ديوان الشاعر المبدع فراج فهد الشكره , ( جارف الشكره )

الشاعر فراج بن فهد الشكره HGAHUV TVH[ TI] HGA;VI

من ابرز شعراء هذا الجيل لايحب الاضواء ولايبحث عن الشهره

سنذكر لكم معظم قصائده في هذا المتصفح نتمنا ان تنال اعجابكم

تحياتي.

قصائده

الهـنـوف الـلـي تغـيـظ المزاييـنـي
................................... فـي زحـام السـوق ماداجـت اخطاهـا
ودّعتنـي فـي بـدايـات ( عشريـنـي )
...................................وأتركتـنـي واحــدٍ مــن ضحايـاهـا
قالت : " اصبر ! " قلت : " صبري مخاويني
...................................مـن بدايـة رحلـة العـمـر لأتـلاهـا "
ويـوم قفّـت وأشهـب الليـل ضاوينـي
...................................ابتسـمـت وعبـرتـي فــي حنايـاهـا
قلت : " روحـي فـي طريـق المحبينـي
...................................مع مـراح مقيـط فـي البيـر وارشاهـا
آتـسـلـى وأرجـــي الله يسلـيـنـي
...................................والضـمـايـر يـعـلـم الله ببـلـواهـا
سالـفـة عـشـقٍ قديـمـة تباريـنـي
...................................مامحـت الأيـام فـي القـلـب ذكـراهـا
واستقر الوضـع مـن ( عـام الألفينـي)
...................................واتعظـنـا واستعـضـنـا بـشـرواهـا
أختهـا جتنـي عـلـى أول ( ثلاثيـنـي)
...................................فـي تواصيـف الحسـن كنهـا إيـاهـا
كنهـا وضحـاً قناهـا ( ابـن قرنيـنـي)
...................................فـي المزايـن يطـرب البـال ممشـاهـا
مرحباً من ( نجد) ل ( الحايـط الصينـي)
...................................عـدّ ماشفـنـا الـكـوراث وعشنـاهـا
قالت : " اصبر يا(ابـن تركـي) لبعدينـي
...................................اجمـع كْنـوز الذهـب ثـمّ عطنـاهـا "
وأيّـنـي أجـمـع مهـرهـا لذلحيـنـي
...................................الله يْـكـلّـل جـهــودي بلـقـيـاهـا
والعـلـوم الباقـيـة بـيـن قوسيـنـي
...................................يارسـولـي قــل لـهـا مانسينـاهـا
قل لهـا أنـي فـي ( بلـد الإنقليزينـي)
...................................جـعـل هـمّـال السـحـاب ايتعـداهـا
كلّـمـا برّاقـهـا لاح فــي عـيـنـي
...................................وأرزم الـراعـد وهـشّــم رفـايـاهـا
قـامـت العـبـره تـزاحـم شراييـنـي
...................................ودّهــا تظـهـر وعـزمـي تحـداهـا
طبعـي وطـبـع الـرجـال العزيزيـنـي

...................................مـاتـدلّ دموعـنـا ويــن مـجـراهـا
الله الله يـاظـهــور الـبـعـاريـنـي
...................................ويش جـاك مْـن الحمـول ونقلناهـا !!
والطمـوح اللـي علـى الغـرب حادينـي
...................................(حاجـةٍ فـي نفـس يعقـوب ) وأخفاهـا
ليسـت الـثـروه وجـمـع الملاييـنـي
...................................وليسـت الشهـره ولابـاهـر أضـواهـا
دام ربّـي مـن غنـا النفـس معطيـنـي
...................................ماتـرجّـيـت الـعـبـاد وعطـايـاهـا
وشهـرةٍ يـقـدر عليـهـا المجانيـنـي
...................................استـوى فيهـا أطيـب النـاس وأرداهـا
عـارفٍ قــدري ولا أحــدٍ يوصيـنـي
...................................الثقـة فـي النفـس شـيّـدت مبنـاهـا
أزرع أحـلامـي وتـزهـر دواويـنــي
...................................وأسـأل الحاجـات مــن ربٍ أرهـاهـا
وحاجتـي لاجاتـنـي فـآخـر سنيـنـي
...................................قلت : " جعل اللـي مضـى كلـه افداهـا"
والهـروج الـعـوج ماهـيـب تعنيـنـي
...................................أغـلـق أذنــي دونـهـا وآتخطـاهـا
لـوّه بيسلـم مـن الـنـاس شيئيـنـي
...................................كــان سلـمـت نـاقـة الله وسقيـاهـا
البشـر فـي غيبـة الــوازع الديـنـي
...................................تحسـب المتـعـة بكـثـرة خطايـاهـا

قصيدة موجهة للأخ خلف بن ناصر آل ظفر الشكره

ياراكبٍ من فوق سابقْة الأصـوات
...................................مسارها بيـن السمـا والسحابـه
مطار هيثرو لفّتـه خمـس لفـات
...................................ثم تلّها الكبتـن بعـزم وصلابـه
علمانـيٍ مايعتـرف بالديـانـات
...................................ماهمّه ألا نـوع غرشـة شرابـه
يالله عسى دربه سفير وسلامـات
...................................الين يوصل خطّـي اللـي سعابـه
وإن مادخل الإسلام وأدّى الصلوات
...................................قـدام لايكمـل مسيـرة ذهـابـه
فيالله عسى فاله خشوم السـروات
...................................وألا انفجارٍ فـي الكبينـه غدابـه
ياخلف بن ناصر سـلام وتحيـات
...................................اعداد من يقـرا حيـاة الصحابـه
واعداد من صلى النوافل والأوقات
...................................في ساحة البيت العتيـق ورحابـه
الليل طال ونـازح الـدار مابـات
...................................يدوي به الهاجس وهمّـه سرابـه
ينوح ابن تركي على فايـتٍ فـات
...................................راحت حياتـه ماتهنـى بشبابـه
وجدي على نجد العذيـة وبالـذات
...................................من عاش في نجدٍ وسارت اركابـه
وجد اليتيم اللي عيونـه غريقـات
...................................أبـوه لحـق أمّـه ولالـه قرابـه
في ديرةٍ ماحولـي ألا الخواجـات
...................................حمر الخشـوم مدلعيـن الكلابـه
ماجيتهم حب وسياحـه ورحـلات
...................................جيت وعلى متني طويق وهضابـه
أما غناة الذيـب عقـب المعانـاة
...................................وألا الفقر في كـل ضلـعٍ رقابـه
ولالي ورا الدنيا مـرامٍ وغايـات
...................................وأشوفها أحقر من جنـاح الذبابـه
لكنّ رمحٍ في الحشا لـه مسافـات
...................................أبحث عن علاجٍ يخفـف صوابـه
وأنا رجاي بعطف رب السمـاوات
...................................الواحد اللـي مايخيـب الرجابـه
لولاه ماشلنـا الحمـول الثقيـلات
...................................ولاتحملـنـا القـلـق والكـآبـه
هذا هو الموجز وبعض الإشـارات
...................................يالوافي اللي في القسـا يعتزابـه
ما أرسلتها لك في رجا رد الأبيات
...................................لوّك من أرباب الشعـر والخطابـه
أبيك تفزع لـي بكثـر الدعـوات
...................................لعـلّ منهـا دعـوةٍ مستجـابـه
واسلم وسلّم لي على أهل البطولات
...................................أهل الحمر.. واللي عزيـزٍ جنابـه

فهد لم يتجاوز الثانية من عمره , ولكن أتت هذه القصيدة لتحمل بعض الآمال والتطلعات التي

أرجو من الله العلي القدير أن أراها

في ابني وفي كل أبناء المسلمين خصوصاً وأنا قد أخفقت إلى حد الآن في تحقيق بعض تلك الطموحات

وين (فرعون) المللك وينهـم (عـاد وثمـود)؟!!
...................................وين راح (أصحاب الأيكة ) و( إرم ذات العماد) ؟!!
عقب شامخْة القصـور أسكنـوا جـوف اللحـود
...................................مابقـى ألا أطلالهـم تشهـد بضـعـف العـبـاد
كـل كايـن حـيّ مالـه علـى الدنـيـا خـلـود
...................................الخـلـود لـواحـدٍ رافــع السـبـع الـشـداد
والحظيـظ اللـي تغانـم وجـوده فـي الـوجـود
...................................واكسـب الذكـر الحسـن والهدايـة والـرشـاد
يـا فهـد ياآبـوك هــذي مقـدّمـة البـنـود
...................................واستمـع الآتـي وأنـا ابـوك واكتـب بالمـداد
رافق أهل الديـن أهـل الركـوع أهـل السجـود
...................................أتقيـاءٍ دينهـم ليـس سلـعـة فــي مــزاد
سـجـدةٍ لله فــي اللـيـل والعـالـم رقــود
...................................عندهم تسـوى الملاييـن فـي ( بنـك البـلاد )
وجنّـب اللـي فـي المعاصـي مصاديـر وورود
...................................قــومٍ تشـابـه للأنـعـام يـامـال الـنـفـاد
القلـوب الغافـلـة بـيـن كفران وجـحـود
...................................والوجيـه الـودره الـلـي تـوشّـح بالـسـواد
واتجّـه للعـلـم وابــذل حثيـثـات الجـهـود
...................................واخلـص النيّـة ويـرزقْـك ربّــي بـإزديـاد
وإن عرض لـك يافهـد فـي مشاويـرك حيـود
...................................ارقهـا وألا فشلهـا عـلـى ظـهـر الـجـواد
الظبـا ياأبـوك مـن دونهـا أنيـاب الأســود
...................................والجواهـر دونهـا القـرش وأمــواج العـنـاد
والكفـو مهمـا وقـع تنهضـه روح الصـمـود
...................................والـردي لاطـاح طـاح وغـدى جمـره رمـاد
والجبال الراسيـة راسيـة مـن عصـر (هـود)
...................................لـو تقـوم تطيـر وتوقّـع أســراب الـجـراد
ومن حفـظ ربّـه وهـي توّهـا سهـودٍ مهـود
...................................احفظـه ربّـي مـن الوقـت لانــاش الـزنـاد
فاحفـظ القـرآن ياتـي شفيعـك فـي الحشـود
...................................لانفِـخ فـي الصـور للخلـق فـي يـوم المعـاد
ومن رحيق السنة انهـل وشـمّ أزكـى الـورود
...................................تنتشـي روحـك ولجروحهـا تلـقـى ضـمـاد
ورافـق اللـي لـو يشـحّ الزمـن كفّـه يجـود
...................................مايبـالـي بالخسـايـر ولاويــش اسـتـفـاد
في العطايا تحسبـه مـن عيـال ( ابـن سعـود)
...................................لوهو أفقر في الحقيقة من أهـل ( إسـلام أبـاد )
رافقـه تاخـذ طبوعـه ويرقـى بــك سـنـود
...................................وإن بـدالـه لازمٍ خـلّـك لجـنـبـه سـنــاد
والله الله يافـهـد فــي شجـاعـات الفـهـود
...................................وأعظم أنـواع الشجاعـة تسطّـر فـي الجهـاد
لافتح لـك بـاب : فاذهـب .. وجعلـك ماتعـود
...................................والوعـد فـي جـنـة الخـلـد كــان الله أراد
حقّق اللي دون تحقيقـه أرسـف فـي القيـود..
...................................بيـن لفـحـات السمـايـم ونفـحـات الـبـراد
واحترس من كل غـرٍّ تـرك حـرب ( اليهـود)
...................................وانشغـل فـي حـرب قومـه بتفجيـر العـتـاد
يافهـد موتـة شـرف بيـن ثكـنـات الجـنـود
...................................خير من عيشـة تـرف تحـت ظـل الإضطهـاد
البـروق تلـوح فـي نجـد وتْــدنّ الـرعـود
...................................والمـطـر مـاهـلّ وبـلـه ولارشّ الـحـمـاد
مـن ذنـوبٍ نقترفهـا علـى مـرأى الشـهـود
...................................ومـن تخاذلنـا عـن مْناصـر شْعـوبٍ اتـبـاد
ومـن سكـوتٍ يعترينـا ومــن ذلّ وجـمـود
...................................والرسـول المصطفـى تشتمـه بـقْـرٍ اتـقـاد
يافهـد هـذي خلاصـة تجـارب مـن عـقـود
...................................وقالهـا قبلـي هـل العـرف وشيـوخ الـشـداد
وإن سهجت الخـط الأحمـر وجـاوزت الحـدود
...................................فالله ايـعـزّ الحكـومـة ويهديـنـا الـرشــاد

**

نغيـب وألا مانغيـب أقدامنـا فـوق السـحـاب
...................................وأهل المكر فـوق البسيطـة ماضربنـا حسابهـا
إليا رضى عن فعلنـا الأبيـض رفيعيـن الجنـاب
...................................رقـط الحيايـا خلهـا إتمـوت بسمـوم أنيابهـا
الحر يشهر في السما والبوم ينعق فـي الخـراب
...................................شتـان مابيـن الطيـور أشكالهـا وأسرابـهـا
لابارك الله في حضـورٍ يستـوي معـه الغيـاب
...................................نـاسٍ مـع العالـم تجـي وإتـروح مايدرابهـا
وإن طلّت الشمس الرفيعة من وراء روس الهضاب
...................................غابت إنجومٍ في الدجـا محـدن شعـر بغيابهـا
مـا أقولهـا ناتـج غـرور أقولهـا رد وجـواب
...................................علـى القنـاه اللـي تبـث الشوشـرة بألعابهـا
مايوقـظ الفتنـة ويفتـح للـردى سبعيـن بـاب
...................................ألا حثـالات البـشـر ورخومـهـا وأذنابـهـا
المجد يحضابه ارجـالٍ طافـوا آفـاق الصعـاب
...................................صلـب العزايـم للمفاخـر يشعبـون إركابـهـا
أما تقيٍ يرجـي الجنـة ويخشـى مـن العـذاب
...................................إدموع عينه فـي قيـام الليـل يامـا أصخابهـا
وألا حكيمٍ ثاقب النظـرة علـى الـدرب الصـواب
...................................لاعمسـت أريـا لابتـه زينـات الأريـا جابهـا
وألا شجيـعٍ ثابـت الوقفـة وقلبـه مايـهـاب
...................................حامـي غناديـر البنـات وسترهـا وإحجابـهـا
وألا كريـمٍ مايدفّـن الأرصـدة وسـط الحسـاب
...................................إمكبّـر الضيفـة بــدارٍ ماتـصـكّ أبوابـهـا
واللي جمعهن كلهـن ياخـذ الأمـاره بإكتسـاب
...................................طرقٍ على عـوج الخشـوم اللـي تشـم ترابهـا
وباقي الأوادم ( مشّ حالك) والحياة أكل و شـراب
...................................مثل الدواجن تاكل وتشـرب وتنسـى أصحابهـا
المرجلة من لاقدر يلحـق عليهـا فـي الشبـاب
...................................ماهـوب لاحقهـا لشابـت لحيتـه وأشنابـهـا
والشعر وهبة من لدى ( الوهاب) ماهوب إغتصاب
...................................قولـوا لشعـار المهـايـط لاتــرزّ أرقابـهـا
الشعر مايرفـع مقـام الـلاش وأفعالـه سـراب
...................................لاشان فعلـه مايحـرك فـي الرجـال إعجابهـا
الشعـر ماهـوب البطولـة والذخيـرة والزهـاب
...................................حتـى المـره تقـدر تقولـه مـن ورا جلبابهـا
لذا على الشاعـر يسمّعنـا القصيـدة بإقتضـاب
...................................والحكـم للعـرّاف تشـرح سلبهـا وإيجابـهـا
أحدن قصيده في الحـلا : درّ المصاغيـر العِـذاب
...................................لاروّحت مـن روضـةٍ نبـت الوسـم يزهابهـا
وألا شفايا غـادةٍ فـي ريقهـا الشهـد المـذاب
...................................طب الهـواوي لاسـرى ليلـه علـى ( عنّابهـا)
وأحدن قصيده يرفع الضغـط ويجيـب الإكتئـاب
...................................علـة وريـدٍ ماتعالجـهـا جمـيـع أطبابـهـا
ومن لايفكر في عواقـب كلمتـه نـال العقـاب..
...................................مـن ( الله ) أول ثـمٍ أقـوامٍ يثيـر أعصابـهـا
قلته على وضح النقـا مـن دون شـكٍ وإرتيـاب
...................................والكلمه اللـي بأستحـي مـن قولهـا بأبدابهـا
ياللي تفاخر بالمغازي في المخـازي : والتـرا ب
...................................لوكـان ربعـك والنعـم بأفعالـهـا وأنسابـهـا
انشد عن القصـة مـع العقـال يامـال الذهـاب
...................................حتـى عيونـك تبـصـر اليـمّـة ولايغدابـهـا
محـدن غزانـا والليالـي كنهـا لـون الغـراب
...................................خلْ عاد والدولـة علـى راسـك تشـد أطنابهـا
هذي ( الحمر) من دونها (حمر) الشلافي والحراب
...................................و(حمر) السيوف اللي صناديد الحـروب إتهابهـا
(آلاد شكرٍ) لاتعاوت في ضحـى الكـون الذيـاب
...................................فزعاتهـم تشبـع سراحيـن الخـلا بأسبابـهـا
مير اركد وقلّل من الجرعـات وأجـواء الضبـاب
...................................لاتقطع إسيـولٍ تداحـم مـع مفيـض إشعابهـا

شموع (الثلاثين) احتـرق شمعدانهـا
...................................وطفّتهـن رْيـاح الكـروب وزمانهـا
تبقّى طموحٍ يشتعـل لـي ورا الأفـق
...................................أحثّ القدم صوبه لـو الحـظ خانهـا
فلا أهنى براحة ليـن أوقّـف ركايبـي
...................................على منهل مْياهه... أو أفنـى لشانهـا
أنا أدرك مدى ضعف البشر من تجاربي
...................................وأنا أدرك مكارم ربّنـا كـان أعانهـا
وأنا أعرف مدى قوة سلاحي وقيمتـه
...................................يجنّـب هزايلهـا ويقنـص سمانهـا
لقد عِشتُ دهراً فـي لهيـبِ كـوارثٍ
...................................فأُوصِلْتُ من فضـلِ الكريـمِ جِنانهـا
أحاديـث الألسـن ماتثبّـط عزيمتـي
...................................ولو يحتشد لي (قيسها) مع (يمانهـا)
تهبّ العواصف هوج من كـلّ ناحيـة
...................................( والأهرام) ماراحت شبر من مكانهـا
(فلسـتُ أُبالـي حيـن أُقتـلُ مسلمـاً
...................................علـى أي جنبِ)تخترقنـي سنانـهـا
عفـا الله عـن قـومِ تـدوّر مثالبـي
...................................إذا غبت.. وألا أن جيت : تبلع لسانها
عليهم سلام الله كثر ماأعشـق القمـم
...................................وكثـر مايحبّـون السفـوح وطمانهـا
إذا أرضيت ربـي ثـم كسّابـة الثنـا
...................................فتزعل علي الأقزام..مالي وشانهـا ؟!!
وأنا كلّ مختـالٍ فخـورٍ مـا أواطنـه
...................................ولكن عزيـز النفـس يأبـى هوانهـا
(طواويس فارس) لو تبختر وتنتفـش
...................................من أرياشها شبّ الحطب ( موبذانهـا)
والإنسان نطفة ثم جيفة تحـت ثـرى
...................................على ويش نفسه يعجبه عنفوانهـا ؟!!
إذا المـرء ماسخّـر حياتـه لخالقـه
...................................وساقه من أوحـال المناقيـد صانهـا
فهو في الجهالـة والحماقـة (هبنّقـة)
...................................ولويملـك الدنيـا ويقبـض عنانـهـا
إذا الناس تاهت عن سنا مشعل الهدى
...................................فياطيـب معزاهـا وياطيـب ضانهـا
أياناشدٍ عنـي وش أسبـاب غربتـي!
...................................عطيتـك تفاصيـل العلـوم وضمانهـا
وإذا كان تنشد عـن زمانـي وطعنتـه
...................................فهي عانها بيـن المعاليـق عانهـا !
لكن (قيـس) لامنّـك لقيتـه فخبّـره
...................................عن علوم (ليلى) والعـذارى اوزانهـا
إذا (العامريّة) بينهـن راهنـت علـي
...................................فبإذن الله أن تفرح وتكسـب رهانهـا
وإذا ماقسمـه الله ولاجبتنـا الذهـب
...................................(فالأهرام) ماراحت شبر مـن مكانهـا

على الهامش :
*فلست أبالي حين أقتل مسلماً..على أي جنبٍ كان في الله مصرعي
بيت لخبيب بن عدي رضي الله عنه حينما أراد المشركون قتله .
*الموبذان : كاهن النار لدى المجوس .
*هبنّقة : رجل كانت العرب تضرب به المثل في الجهل والحمق , فيقال : أحمق من هبنّقة .

ياراكـب اللـي ماصنـعـه الخـواجـة
...................................من (طوكيـو )يحمـل تواريـخ الإنتـاج
فكسـارٍ لـهـم الضمـيـر انفـراجـة
...................................لونه كمـا رغـوة حليـب وكمـا العـاج
مــاورّده ( عبداللطـيـف ) بكـراجـه
...................................من ( البريمـي ) جابـه لنجـد ميـراج
كنـه تحـت نـور القمـر بإرتهـاجـه
...................................ألماسـةٍ مـن فوقهـا النـور وهــاج
وإن أشّـر اصطبـه وحمّـر زجـاجـه
...................................جمر ابدويٍ من تحـت حامـي الصـاج
فـي وقفتـه تيـه وفخـر وانبـلاجـة
...................................صاحب سمو في حفل تخريـج الأفـواج
وإن اشتغـل مالـه ضجيـج ولجـاجـة
...................................همسـاتٍ بشهـر العسـل بيـن الأزواج
ياطـا الوعـر مابـان فيـه ارتجـاجـة
...................................كنـه علـى موكيـت ماهـوب مطنـاج
وإن شاف في الخـط السريـع ازدواجـه
...................................يشلـع كمـا حـرٍ علـى الصيـد نفّـاج
هـذا هـوى اللـي ضايقـاتٍ افجـاجـه
...................................يلعب بـه الهاجـوس مـع كـل منهـاج
نصّـه حزامـي فـي نهـار المـواجـه
...................................بحر الصخا في ديرةٍ غـرب الأفـلاج
ملفـاك قصـرٍ للضـيـوف ابتهـاجـة
...................................يلقـى بـه العانـي مسـرات وإبـهـاج
فـي مجلسـه للعـود الأزرق عجـاجـه
...................................ولاحـطّ لأبـوابـه قـفـولٍ ومــزلاج
مـن جـاه عمسـانٍ يكيّـف مـزاجـه
...................................بـريّـةٍ فنجالـهـا وصـفـة اعــلاج
ولاقلـط الا مــن غـوالـي انعـاجـه
...................................حيلٍ شحمهن في الصحـن لـه تمـواج
ودرّ البكـار الـلـي غـزيـرٍ نتـاجـه
...................................يالله عسـى ذوده مـن الوسـم ثجـاج
بـحـرٍ تـلاطـم بالمـكـارم أمـواجـه
...................................مافكـر بحجـم الخسـايـر والإحــراج
وإن قيل من هو ؟ قلت : شعري سماجة..
...................................إن ماذكـر عمـي ذرا كــل محـتـاج
(عمي خلف ) لاجـا الزمـان انعواجـة
...................................بـإذن الولـي عنـده مفاتيـح الإفـراج
سمـح الجنـاب اللـي طليـقٍ احجاجـه
...................................عوق الخصيم وللخوي ضحكـة احجـاج
جينـا لـه أيـتـامٍ بفـقـرٍ وحـاجـة
...................................وافـرش لنـا البيـداء زهـورٍ وديبـاج
ظــل ظلـيـلٍ ماتمـايـل اسـيـاجـه
...................................حطـه لنـا رب البشـر درع واسـيـاج
عقـب الزمـان اللـي جرعنـا هماجـه
...................................نشرب قـراحٍ فـاض مـن بيـر هـداج
بأبـثّ مدحـي لـه علـى كـل مـاجـة
...................................وأرفع له البيضـا علـى روس الأبـراج
لـعـل يـفـداه الــردي والدجـاجـة
...................................ويفـداه فـراجٍ مـع اعـيـال فــراج

فقال الشاعر عبدالله بن عبدالرحمن بن عريمه الودعاني معلقاً

فراج مابقى من الجـزل حاجـه
...................................مثايلٍ تزخر مثل بحر الامـواج
ورّد قصيد الطيب واطلق حجاجه
...................................رمز الوفى والطيب فراج فـراج
يستااهل الطيّب حصايد نتاجـه
...................................بن ظفر نعم الخلف درع وسياج

وأجبته شاكراً

يامرحبـا ياقـافٍ أحكـم رتاجـه
...................................الشاعر اللي للعسيـرات سهّـاج
ابن عريمه فوق عرشـه بتاجـه
...................................كان الشعر والطيب له عرشٍ وتاج
من روس قومٍ ماتهاب المواجـه
...................................لاراغ من جمع العدا كـل هلبـاج

قال خلف بن غصاب آل فراج الشكره هذه القصيدة

موجهها لوقيان بن هذال آل وقيان الشكره

.

وقـتٍ يابوهـذال صافيـه ينـرج
...................................لوكـان عـذب ازلال ولا هماجـى
وجوٍ ولو ذع ذعنسيمه قلب عـج
...................................وضاعوا به الثقلين وسط العجاجى
دنياً تعبنـا مالقينـا بهـا احجـج
...................................ومنها يابو هـذال يالله الخراجـي
المال حط البـوم بآعالـى أرتـج
...................................من عقب هم وظيم حصل ملاجـي
اجناس ناسٍ جات من عدة افجـج
...................................فيها حرار وطرشبحـر ودجاجـي
فزاع فى وقت الرخا وان زهم هـج
...................................شد البطان وبـان ولـد النعاجـى
ذا قول من شعره من الراس منتـج
...................................ماباع فيـه ولاشـرى فالحراجـى
.

وهذا جواب وقيان بن هذال

يـا الله يالـي للمخاليـق تبـرج
ت...................................برج لمن يرفـع يدينـه يناجـي
جاني قصيدٍ حط في القلب منهـج
...................................من واحدٍ حبه من اسنيـن لاجـي
من شاعرٍ قولـه حكـم لا تهـرج
...................................في مجلسه للعود الازرق عجاجـي
الصاحب اللـي ماتغيـر ولا سـج
...................................ولاغيره طول السنيـن العواجـي
وقتٍ يابو غصاب صالبـه معـوج
...................................فيه المصايب والغثـاء والمراجـي
وختامهـا فنجـال بـنٍ وسـلـج
...................................للي بفعله مثل ضـوء السراجـي

.

فقال هذال بن فهد آل وقيان الشكره

.

ياحن قلبي حـن سقـسٍ يبطنـج
...................................متسنـدٍ والخـط فيـه انعواجـي
سواقـه مهجـن وتـوه امعربـج
...................................همه يكمل مابقـى فـي الزجاجـي
عقب القصيدة ياخلف صرت أدجج
...................................مثل الخلوج اللـي براهاالخلاجـي
هذا القصيد اللي له الصـدر يثلـج
...................................وهذا القصيد اللي لقلبي اعلاجـي
وقتٍ يابو غصاب فيـه انتدحـرج
...................................وروسٍ يابوغصاب فيها ارتجاجـي
كثر الدشير وكثـر فيـه المرجـج
...................................وكثروا على قولك اعيال الدجاجـي
راح الزمان اللي به اوسٍ وخـزرج
...................................وجاوك اربوعٍ جدهم خان صاجـي

.

وقال فراج بن فهد آل تركي الشكره

.

ياملّ قلـبٍ مـن همومـه توهـجّ
...................................يلذع كما تلذع اسلـوك البواجـي
أنا إلى أوحيـت القصيـد المدبّـجّ
...................................اللـي معانيّـه تفـلّ الحجـاجـي
مانيـب قاعـد يالقـروم آتفـرجّ
...................................مسكت خطّه والطريـق إزدواجـي
شعرك يبوغصـاب طيـبٍ ينجنـجّ
...................................لاشمّه المحـزون جـاه ابتهاجـي
أنا معك ذا الوقـت شـان وتعـرجّ
...................................وصافيه عوّد يالسنافـي إرجاجـي
خلاّ الرخوم ببعالي الجـوّ تنهـجّ
...................................والحر الأشقـر طوّقتـه السياجـي
أحدٍ على بيـض الثلـوج إيتزلّـجّ
...................................في اسويسرا كنّه من النار ناجـي
وأحدٍ مصيفه ياخلف مشتل الخرج
...................................مـرٍّ يشـوّك بـه ومـرٍّ هباجـي
وأحـدٍ كلامـه للمخاليـق مزعـجّ
...................................قولٍ بليّـا فعـل يبقـى سماجـي
لامن زهـم كنّـه مريـضٍ إمبنّـجّ
...................................ووقت الرخا كنّه(إعقاب العواجـي)
ضيـم الليالـي للنشامـى تولّـجّ
...................................وألاّ الهلايم سوقها اليـوم راجـي
والرزق بيد اللي فرض منسك الحجّ
...................................ماخاب من وقت السحر له يناجـي
والصبـر للعقّـال شـرعٍ ومنهـجّ
...................................محدن تجي دنياه حسب المزاجـي

.

وقال مشعي بن بريكان آل ظافر الشكره

.

يالله ياللي لأصعـب الهـم تفـرج
...................................ياموسّـعٍ للعبـد كـل الفجاجـي
أنك أتثبتنـا علـى الحـق الأبلـج
...................................ياواحـدٍ مافيـه غيـره ننـاجـي
شفت القصيد اللي على النت مسرجّ
...................................من طيب شعـاره تعـدل مزاجـي
حبيت اشاركهم ولا نيـب محـرجّ
...................................وليّ الفخر بعيـال عمـي وتاجـي
أهل الفعول اللي بها الأرض ترتـجّ
...................................عدوهـم يقـول يالله الخـراجـي
من طيبها عن مايل الوقت تحتـجّ
...................................وقتً تشيّخ به افـروخ الدجاجـي
والبوم لايغرك ولـو قـام يـدرج
...................................صعبٍ أتجاري من يفل الحجاجـي
المال شيّخ نـاس كانـت تعيلـجّ*
...................................والسرج ياشينه علـى ذالعلاجـي

يقول الأخ الشاعر خلف بن غصاب آل فراج الشكره

.

أنا خابر العاقـل مماشيـه ممشـا ارفـوق
...................................ولكـن بعـض الأحيـان ماسـرّه ارفوقـه
سلامات ياقلـبً تسوقـه حلومـه سـوق
...................................ويمشي على حـرش الشناظيـر ماتعوقـه
يعيش الأمل ويعايشه في الخضيـرا فـوق
...................................وهو مادرى أن ابليس والنفس مـن فوقـه
حـلالاه ياقلـبً يطيـع العـرب ويـفـوق
...................................ويعطى النصيحه مع دمه داخـل اعروقـه
نصحته نصيحه قـال ماتعرفـون الشـوق
...................................وأنا أظـن يفنـى ياجماعـه معـا شوقـه
يقول ارحموا من له أمل مبطـيً مسـروق
...................................يجـوب الديـار ولادرى ويـن مسـروقـه
تداعت معه الأعضاء وقامت تتوقـه تـوق
...................................لقى من يزيّـن لـه وعـزّم علـى توقـه
ولولا الضلوع اللي تغطّيه جـات اسبـوق
...................................خطيـرً بعـض الأحيـان يـزوّع بسبوقـه
يقولون ديرة مـن تـدوّر عليهـا بـروق
...................................وأنا مأمـلٍ خيـرً عقـب نوضـة ابروقـه
عسى العشب يكسيها وينبت بها الرقـروق
...................................ونلقـى الزبيـدي طالـعً جنـب رقروقـه
ويرتاح قلبً مـن عرفتـه وهـو مطفـوق
...................................وأنا أرتاح منه ومـن مشاكلْـه واطفوقـه

.

فقال الأخ الشاعر هذال بن فهد آل وقيان الشكره

.

علشان ابو غصاب قـم نلعـب الطـاروق
...................................نبـي نلعـب المـوال وانجيـب طاروقـه
كلامٍ نظمتـه ياخلـف صافـي المنطـوق
...................................عسانا مـن اللـي لاهـرج زان منطوقـه
ترى قلب ابو غصاب من الحب فيه احروق
...................................وكم عاشـقٍ قبلـه ملـت قلبـه احروقـه
وانا فزعةٍ لك ياخلف سقت نفسـي سـوق
...................................بجيلك على السوبر قبـل طلعـة اشروقـه
نسير علـى فـراج نقعـد معـه وانـروق
...................................مـن ادلال بـنٍ بـأزرق العـود مرفوقـه
وناخـذ قـرارٍ وافـيٍ هــاديٍ بـرفـوق
...................................علشـان قلبـك لا يجـي شـي بعـروقـه
عسى دار خلك ياخلف من سحاب احقـوق
...................................تشابـك نفلهـا بيـن بقـرى وثعلـوقـه
وانا با توجد واعرف انـي بعـد مسبـوق
...................................خفـوق المعنـى ياولـد كثـرة افتـوقـه
حـلالاه ياقلـبٍ مثـل خافـق الـفـاروق
...................................علشان دين الله جرى الدمـع مـن موقـه
وحـلالاه ياقلـبٍ يقفـل مثـل صـنـدوق
...................................يعبى مـن الخيـرات والشـر مـا يذوقـه

ومن باب المداعبة قلت جواباً لهم

.

هـلا بالمسيـر والمسيـر عليـه حقـوق
...................................قطـوعٍ وأنـا مقصـر بواجبـه واحقوقـه
تهيض من أشعار الفـرزدق رفيـع الـذوق
...................................وخلف(ن) قصيده يطـرب البـال طاروقـه
وهم كلبوهم عنـدي إعـزاز دون افـروق
...................................ارجالٍ لهم فـي الطيـب وقفـات مرموقـه
لكن في ضميري كلمة(ن) للخـروج تتـوق
...................................إتدور لها مخـرج وهـي شبـه مخنوقـه
وبعد ماخذيت الضوء الأخضر كسرت الطوق
...................................نشرت الحقايـق ناصعـات(ن) وموثوقـة
نحذر وننصح مير بعض العـرب مطفـوق
...................................يشوف الجمر وقـاد ويسيـر مـن فوقـه
إنا نستغيـث الله يجيـب المطـر وبـروق
...................................وهو يستغيث ل(حمص) ويخايـل ابروقـه
وهذال من طاعه توهـق بوسـط السـوق
...................................وعـود مـن الحلـة مخابيـه مسـروقـه
فمادام وقع الفاس فـي الـراس يامـرزوق
...................................تـرزق مـع العالـم والأعمـار ملحوقـه
على منفذ الحـد الشمالـي يزيـد الشـوق
...................................عسى خلف بن غصـاب مايعدمـه شوقـه
تعذر بضرسٍ طايـحٍ مـن عصر(فـاروق)
...................................وبعض الضروس بتالي الوقـت ممحوقـه
وأنـا أقـول لاوالله خـذا قلبـه الغرنـوق
...................................عسى الله يسهـل لـه ازيـارات غرنوقـه
وعسى من يلومه كسرة الساق والسمحوق
...................................وتعجـز الأطبـاء لايـداوون سمحـوقـه

قال الشاعر الهداري قصيدة موجهة للشاعر

عامر بن عبدالرحمن النتيفات يقول فيها

...
.....
ياعامر ترى هاذي الاجازة على الابـواب
...................................وداعي السفر ياطيـب الفـال يدعينـي
تفقد جـوازك يابعـد خيـرة الاصحـاب
...................................ورتب أمورك للسفـر ياحمـر العينـي
نسايم هوى لندن الى عانـق الضبـاب
...................................هي وجهتـي يالقـرم كانـك تخاوينـي
ترى خوة اللي مثل شـرواك يالمرقـاب
...................................تـدور وتشـرى يالشلـي بالملايينـي
رفيق عزيـز والمراجـل لهـا كسـاب
...................................وسيع البنايـد مـن ربـوع مسمينـي
متى نقطع البوردنق مع جملـة الركـاب
...................................وتشهر بنا البوينج مـن نجـد مقفينـي
لدار هواها ينعـش الخاطـر المنصـاب
...................................حسافه على سكانها ذا الهـوى الزينـي
لو أن التمنـي ينقـل المنظـر الخـلاب
...................................نقلتـه لنجـدٍ مركـز العـز والديـنـي
...
....

فأجاب عامر

.

هلامرحبـا حييـت يالشاعـر الجـذاب
...................................وخـوة رجـال مثـل شـرواك تغنينـي
جوازي مجهز كان جو السفر لي طـاب
...................................وحصلت لي مثلك ودينـه علـى دينـي
لو أن السفر للغرب يجلب لنـا الاتعـاب
...................................خصوصا بتالي الوقت والحـر يوحينـي
وانا حاضر معكم واذا كان بـه مجنـاب
...................................عـن بليـر وديـاره فـودي ويغرينـي
لكن لاصملتوا صاحبك جاهـز ماغـاب
...................................معك صوب لندن جاهزينـن وماشينـي
على شانكم نمشي ولاللصعـاب حسـاب
...................................ندوس الصعيبه لاجـل نـاس وفيينـي
واذا ودك انسج النفس في ديـر لحبـاب
...................................ترا الجيب جاهز وانت جنبي على يميني
ومعنا رجال من عرفهم يزيـد اعجـاب
...................................بهـم وبسوالفهـم قـروم عريبيـنـي
ندوج بدار كـل وجهـه بهـا محـراب
...................................ونتـرك ديـار الكفـر وارض الشقينـي
بلدنـا هواهـا لوغـدا حـارق لهـاب
...................................يسـاوي هوالنـدن ورومـا وبرلينـي
وحتى ولو لندن ضباب ومطـر صبـاب
...................................ترا الطايف المانـوس عنهـا يكفينـي
وسودة عسير وسحبها للعليـل اطبـاب
...................................لياهـل ماطرهـا ومشـى الشعابيـنـي
وترا نجد لامن ربعت وكثـرت لعشـاب
...................................هي البلسم الشافي بعـد منـزل التينـي
وهواء الغرب متلوث ولو تنقله ننصـاب
...................................وخلـه لاهلهـا نجـد واهلـه غنينـي
لكن قبل لندن والسفر هـل غرامـك ذاب
...................................هذا هو المهم ووضعكـم دوم مشقينـي
هل اتحقق المطلـوب هـذاك ولا خـاب
...................................أو أنك برجوا شـي وألا ايـش ناوينـي
أو أنه سلا قلبك مـن الخـل وألا تـاب
...................................ولاعـاد لـك راده بــود المحبيـنـي
واذا الشيب زاد بعارضك وغلقت لبـواب
...................................ترا الشيب له صبـغ عديـد التلاوينـي
لو أنه وقار وحشمـة للرجـل ماعـاب
...................................لكـن يجفلـن منـه الظبـي المزاينـي
وعذري على تأخير ردي وفيـه اسبـاب
...................................وتم الجـواب اللـي كتبنـاه عجلينـي
.

وكنت حينها في لندن في عام 1426 فقلت لهم

آلا ياهـل الهـدار يامرحبـأ تـرحـاب
...................................نرحب بكم مـن عاصمـة الإنجليزينـي
فرشنا لكم مطار هيثرو زهـر واطيـاب
...................................مع المستكـا والعـود الأزرق رياحينـي
وبريةٍ شقـرا يوقـف بهـا الصـبـاب
...................................على صالة اقدوم الضيـوف الميامينـي
وعسى الله يسهل فيزتك ياخلف غصـاب
...................................تجيني على الميـراج فـورأ وذلحينـي
ارجالٍ وصحبتكم تفاخر بهـا الأصحـاب
...................................وياحبني للصحبة اللـي علـى الدينـي
أهل شيمة وقيمة مع الربـع والأجنـاب
...................................وأهل فزعةٍ تكسـر اجمـوع المعادينـي
فيامرحباً آقولهـا مـن ضميـرٍ طـاب
...................................بعد ماقريـت القـاف والحـي يحيينـي
اذا كان تبغون السياحة وشوف أعشـاب
...................................فهي من اجنان الأرض مافيـه قولينـي
خضار الطبيعة زاهيـأ والمطـر سكـاب
...................................ونوٍ بروقـه تطـرب أشقـى الشقيينـي
لكن الحقيقـة قالهـا شاعـر المرقـاب
...................................وآنا ابصم على قولـه وكنـه يبارينـي
بلدنـا هواهـا لوغـدا حـارق لهـاب
...................................يسـاوي هوالنـدن ورومـا وبرلينـي
واذا كان تبغون الزواج وغـرام أحبـاب
...................................تـرا بـه مآذيـن وبناتـن مزاييـنـي
واذا كان تخشون الفتن يا أولي الألبـاب
...................................فهم يمدحون الهضب والعرق والرينـي

.....
.....

فقال عامر

.

ألاياهـل الأحمـر ويامشرعـة لبـواب
...................................تدومون في عز وعلـى العـز رابينـي
رجال الوفا والطيب شيبانكـم وشبـاب
...................................تراحيبكـم عـاده لـكـم يالكريميـنـي
لكم مجد راسخ وان نواكم عـدو خـاب
...................................من الاد شكـر وترجحـون الموازينـي
غلاكم قديـم وزاد يابـو فهـد مـاذاب
...................................رجـال مناعيـر حـشـام عزيزيـنـي
وانا والخوي الهداري وخلف بن غصاب
...................................نشوف وندوس الراي والصدق طربينـي
لكن خلف خوفي يعتذر لي يـدز كتـاب
...................................يحـط العـذر فيـزه وكبـر وراعينـي
ومادام فيه اجواز يمكـن يعـود شـاب
...................................ويبحث ويلقـى فيـزه برمشـة العينـي
وخلك على النابي الى عطلـة الطـلاب
...................................اذا الله قسم مرواحنـا انجيـك عانينـي
واذا ماكتبه الله وصولـك سليـم نـاب
...................................عن الروحه وجيناك في نجـد ناصينـي

وقال الهداري

شعفني نشيد اللي يرحب بنـا ترحـاب
...................................من الغرب يرسلها مـع النـت طربينـي
عسى اللي فرش مطارهيثروزهر واطياب
...................................يحفظه ولي العـرش حفـظ المصلينـي
عساك البقا وتـدوم ياطيـب الانسـاب
...................................هوى انجلترا بوجودكم يطـرب العينـي
وجودك بهـا يابوفهـد زادنـا مجـذاب
...................................ياللي تباشر بـازرق العـود ضارينـي
لذيذ الكرى والنوم في خاطـري ماطـاب
...................................أردد بيـوت القـرم والنـاس ممسينـي
لكم عادة في الطيب والجود من الاصلاب
...................................أهل ديرتن يوم القسـا تذبـح الضينـي
للضيف ريف تفـرش الـزل والجنـاب
...................................ولطامـةٍ للشـره فـي الحـق عيينـي
أنا ما بشفـي لازواج وغـرام احبـاب
...................................ولا بالجمـال الزيـن فيهـن بيغرينـي
خشوف المها في نجد لوبرعن لسـلاب
...................................تغطي علـى لباسـة الجنـز بالزينـي
ولكن شفي سجة النفس مـع لصحـاب
...................................وسـج القـدم مـادام حنـا قوييـنـي
وما دام الحقيقه قالهـا الشاعرالمرقـاب
...................................وبصمت لـه بالعشـر فانـا مطيعينـي
نرد ابتذاكرنـا ونجلـس مـع الاحبـاب
...................................بـدار الشريعـه مـا حكمهـا قوانينـي
لو ان قيضها يابو فهد واهـجٍ ملهـاب
...................................وقد لاهب المقياض فـي نجـد مقزينـي
وما دام ذا شـور المطاليـق فالمجنـاب
...................................الى أبهـا عسـى باردهواهـا يسلينـي

...
وقال خلف بن غصاب الشكره

هلا مرحبـا باللـي بلنـدن ودز كتـاب
...................................كتـابٍ عزيـزٍ مـن ربـوعٍ عزيزينـي
نوينا نجيلك لاكن الوقـت لـي ماطـاب
...................................ترا الحر يفهمهـا ومافيـك هـو فينـي
وترى إنعزم الهداري الحـر والمرقـاب
...................................قلبت الجـواز اللـي بسفيـن بحرينـي
وجيناك نلبس بدلةٍ عقـب لبـس ثيـاب
...................................وترى اللي وطا غيري من الناس واطيني
وننصى رفيقٍ قدره اعلى مـن السحـاب
...................................ايلامن نصيتـه رحـب وخاطـرٍ زينـي
ونسكن ضواحي لندن اللي بعالي اهضاب
...................................ونترك وسطها اللي به الوحل والطينـي
وسقى الله زماناً يومنا عندهـم طـلاب
...................................شبـابً ولافـي الدقـن شـيً يؤذينـي
وراح الشباب وشايبك باقيـاً لـه نـاب
...................................نبي نعالجه في الشام اربـك تخاوينـي
ويلا من وصلنا الشام بنـدور الخطـاب
...................................نفل الحجاج وربعنا ..أنـت توحينـي ؟
وخوة هل الهدار شرفـاً لبـن غصـاب
...................................وخوتـك يـا فـراج تسـوى ملايينـي

**

تضيـق بالدمـع العزيـز المسـاحـه
...................................اليـا تذكّـر سـيـرة الـحـبّ الأوّل
أحاول أكبـح فـي النواظـر جماحـه
...................................لكن تفلّـت مـن عيونـي .. وحـوّل
أنا أحسب أنّ البعـد سلـوى وراحـه
...................................وأثـره بتنبيـش السرايـر مـخـوّل
ياصاحبـي رغـم الزمـان وجراحـه
...................................جرح الفراق أشنع مـن أنـه يـؤوّل
صبرت .. لكـن لابغيـت الصراحـه
...................................أخشى علـى باقـي الصبـر مايعـوّل
فرقـاك لـيـلٍ ماتبـسّـم صبـاحـه
...................................أرخى سدولـه بالمواجـع .. وطـوّل
سيـل المشاعـر مايـردّ اجتياحـه..
...................................قلبٍ علـى أبـواب الحنـان يْتسـوّل
يْحـنّ شـوق ولايخفّـف نْـواحـه..
...................................ألا نسيـم الشـرق يــوم يْتـجـوّل
في غيبتـك : كنـي فقيـر البراحـه
...................................وإن جيت عندي : ماغبطت ( المعوّل )

*****

لا أستسيغ قصائد المدح كثيراً ولا أجيدها وأجد صعوبة بالغة في إحترام الشعراء المدّاحين....

ولكن عندما تمر بك محنة من المحن ويقف إلى جانبك فيها من يشدّ من أزرك ويعينك على تجاوزها

فلا أقل من أن تشكره شعراً إن كنت شاعراً وتعبّر له عن مشاعر التقدير والإمتنان

فاأبخل الناس من بخل حتى بالكلام الحسن.....وقدقال شاعر العربية المتنبي:

لاخيلَ عِندكَ تُهديها ولامالُ....فليُسعِد النطقُ إن لم تُسعِدُ الحالُ

في عام 1424 مرّت الوالدة رحمها الله بأزمة صحية ..وكان خلالها أخي الشاعر (خلف بن غصاب آل فراج) دائم الإتصال بي يومياً

للإطمئنان والسؤال عن حالها بل بعض الأيام كان يتصل بي أكثر من مرة .

.وقام ببذل جهودٍ تعادل عندي أموال الدنيا بأسرها ...لا أستطيع مهما قلت أوفعلت أن أشكره عليها.....

كانت الأبيات التالية تعبيراً عن بعض المشاعر تجاه أخي الكبير أبوغصاب

طير ياللي تصفق الجنحان في عالي سما نجـد العذيّـه
...................................واهنيّك ماطواك اللي طواني مـن غرابيـل الزمانـي
واهنيّـك لابغيـت إتطيـر مـاردّك احـدود الجاذبيّـه
...................................وألاّ أنا يابري حالي ماجداي ألاّ المراوح فـي مكانـي
مير ياطير السعد من فضلك إنزل لي وخذ مني وصيّـه
...................................نصّها صوب (الجبيل) وخصّها الحرّ العريب الصيرماني
(خلف بن غصاب) وصّل له عبارات الثنا وأزكى التحيّه
...................................غلّفوها له بدهن العود والمسـك وعبيـر الزعفرانـي
ابن عمٍ صيته الذايـع ينومسنـي معـا كـلّ البريّـه
...................................شيخ دنيا ودين يشهدله بدرب المرجله قاصي ودانـي
والله أني ماأمدح ألاّ مستحقّ المدح وإن نفسي غنيّـه
...................................بأمدح الطيّب وأعزّه والردي لوّ أمدحه بأقطع إلسانـي
ويش أبي بالشعر كانه مايعبّر عن مشاعرنـا الخفيّـه
...................................المواقف تجبر الشاعر على نحت القوافـي والمعانـي
بيّض الله وجه ميلات الليالي والحظـوظ اللـي رديّـه
...................................عرّفتنـي بالصديـق وعرّفتنـي بالكـذوب القلّبانـي
ياخلف طيبك غمرني وإهتمامك خفّف الصدمـه عليّـه
...................................والجمايل ياخلف تبقى على طول الدهر والعمـر فانـي
إتصالك لاظهر عندي على شاشـة جهـاز الفيصليّـه
...................................فزّله قلبي كما فزة غريـقٍ شـاف حـراّس الموانـي
ياخلف يعجز إلساني والقصايـد والحـروف الأبجديّـه
...................................ماعطيتك ربع حقّك وأدري إنك ماتبي مـدح وبِيانـي
أشكرك ماغطرفت بالصوت في خضر الغصون الراعبيّه
...................................أوعدد من حجّ للبيت العتيق وطاف بالركـن اليمانـي
وأشكرك ما لاح براّق الدجا وسط المـزون العقربيّـه
...................................أوعدد مابين كوكب الأرض والمرّيخ وإسهيل اليمانـي
جعل ربي يحفظ اللي أنجبت شـرواك يازبـن الونيّـه
...................................وجعل ابوك القرم(غصاب) إيتفيّا في ذرا خضر الجناني

.
.

وهذه قصيدة أخرى قلتها في أبوغصاب في مناسبة أخرى في عام 1427

.

مثل المحيط اللي حوا الضد والضد
...................................بالموت محفوفٍ وبالـرزق زاخـر
ومثل السحاب اللي من الغرب يمتد
...................................يغيـث وألا يغـرقـنّ البـواخـر
هذا ( خلف) لإعـداه شـرٍ مؤكّـد
...................................والخير لأصحابـه مقـدّم وفاخـر
عوين من ضاقت به الأرض وإحتد
...................................منصى الرجال و للعسيرات صاخر
لاتشتحن من قسوة الوقت الأسـود
...................................ياللي (لبوغصاب) في الضيق ذاخر
بابه عن الضيفـان ماساعـةٍ رد
...................................تشهد الأوايل له وتشهد الأواخـر
تلقى الشحم والبـن زلّـه مقنّـد
...................................والعود الأزرق يشتعل في المباخر
من طيب راس أبوه والخال والجد
...................................ورث المراجـل كلهـا والمفاخـر
مادام هـو حـيً همومـي تبـدّد
...................................وإن غاب ضعنا بين حاقد وساخر
أقولها غصبٍ علـى كـل ملحـد
...................................أبمدح الطيّـب وبالمـدح أفاخـر

****

هذه قصيدة وجهها إلي
الأخ الشاعر خلف بن غصاب آل فراج الشكره

أنا أشوف وضع الحبل فوق الغوارب طال
...................................وروسٍ تهزهز خـوفٍ تقـول منهبلـه
مرتهم غدت رجال وتهوش هوش ارجال
...................................كديش العرب عنتر وهـي كنهـا عبلـه
زمـانٍ ورثنـا خوفـه وقمعتـه واذلال
...................................ندور بفضى فاضي وضيقٍ كمـا الدبلـه
تقول اندثرنا من الوجود وغدينا أطـلال
...................................غدا الأبلـه العاقـل وراع الغنـم بإبلـه
كتمت المشاعر عدة أشهر وضاق البـال
...................................وأبشكي علـى فـراج والكبـد مندبلـه
تسلط علينـا الفارسي عابد التمثال
...................................غدا العالم أخرس وأطيب الناس صار أبله
غدا يومنا سرمد وليل العنـا بـه طـال
...................................عقب مارحل أسدٍ وقبلـه رحـل شبلـه
ويش الحل يا مشكاي هل يذكرون رجال؟
...................................وهل به أمل بنعدي الشوك مـن حبلـه؟

وهذا جوابي لقصيدة أبوغصاب

بيوت الجزالة مثـل غيـثٍ عقـب الإمحـال
...................................تكاشف ابروقـه فـي الدجـا وانحـدر وبلـه
لذا ياخلف معذور مـن هـو شكـى الغربـال
...................................وقـام ايتمنـى أبياتـك اليـوم تنسـب لـه
وأنـا والله أنـي ياخـلـف فـاقـدٍ هــذال
...................................ومشعـي وأبـونـواف وأيامـنـا القبـلـه
وأنـا كلمـا برّقـت فـي حاضـر الأجـيـال
...................................رأيـت السعـادة طاحـت زهورهـا الذبـلـه
أشوف العرب مابين الأسهـم وسـوق المـال
...................................وهـذا علـى عـوده والآخـر علـى طبلـه
ما أظن النصر ممكن وحنـا علـى ذا الحـال
...................................ياكـون انخضـع للـي جعـل بيتـه القبلـه
لامنّا قضبنـا الديـن فابشـر بطيـب الفـال
...................................ونصـرٍ مـؤزّر مــاش بـعـده ولاقبـلـه
وإذا صال " ابن متعة " فقل له : بلاش اخبال..
...................................على الهـون ياهبلـه علـى الهـون ياهبلـه
بيلقى السبـاع الضاريـة تحتمـي الأدغـال
...................................ويرجـع كسيـرٍ مختـلـط حبـلـه بنبـلـه
لكـن لإستمرينـا علـى سابـق المـنـوال
...................................فلاترتجـي شــوف الزمالـيـق والربـلـه
رجانا عسـى الله ياخلـف يصلـح الأحـوال
...................................بعـد مـا تجرعـنـا الـمـرارات مندبـلـه
بنصبـر يـا أبوغصـاب ويحلّهـا الـحـلاّل
...................................ولـوّ الزمن بكبـودنـا يلـعـب السبـلـه

يقول فارس بن فهد آل وقيان الشكره

انا الجريح اللي من اسنيـن اعانـي
...................................وانا الجريح اللي من الوقت تعبـان
وانا الجريح اللـي قهرنـي زمانـي
...................................وانا الجريح اللي بلا اسمٍ وعنـوان
وانا الجريح اللـي زمانـي حدانـي
...................................ابدل الديره واغـرب بـا لأوطـان
وانا الجريـح اللـي تعقـد لسانـي
...................................عيا يظهر ما بقلبـي مـن احـزان
وانا الذي من الشعر ما الله عطانـي
...................................ولا همومي تـوزن بالـف ديـوان

.

فقال خلف بن غصاب آل فراج الشكره

انا الرفيـق اللـي ليامـن دعانـي
...................................ما نيب واقـف واتفـرج وفرحـان
اللـي تعانـي منـه يامـا جفانـي
...................................وياما من اسبابه جريـحٍ وسهـران
اثـره جريـح صـح تـوه نخانـي
...................................وانا احسبنه طول الأوقـات طربـان
اثر الجـروح اللـي بقلبـه دفانـي
...................................توها تفوح وخاطره تـو مـا شـان
شعـرك درر خذهـا هديـة تهانـي
...................................من طالبٍ مثلـك ولا هـوب فنـان

وقال فراج بن فهد آل تركي الشكره

لاضاق صدرك ياعريـب المجانـي
...................................من لوعة الدنيا ونكبـات الأزمـان
لاتشتكـي للنـاس قاصـي ودانـي
...................................لوهم مناعيـر ونشامـى وشجعـان
للواحد البـاري عظيـم الحسانـي
...................................ارفع يديك تشوف عطفه والإحسـان
وصفه من الدكتور معهـا ضمانـي
...................................جرّبتهـا والتجربـه خيـر برهـان
خلّك على جـور الليالـي إحصانـي
...................................الصبر مفتاح الفـرج كـل الأحيـان
ماقدّر المولـى علـى العبـد كانـي
...................................لوكان في(قصر اليمامـه ودسمـان)
وإن ضقت من شوف البحر والمواني
...................................وجو(الجبيل) بنظرتك صـار تعبـان
فالحلّ تنقـل (للحمـر والضمانـي)
...................................وتقضي حياتك بين(راجس وفيحان)

.
.
وقال مشعي بن بريكان آل ظافر الشكره
.
.
الشاعر اللي مـن اسنيـنٍ إيعانـي
...................................له ربع قـرنٍ دافـنٍ كـل الاحـزان
متغربٍ في الشرق فـوق السفانـي
...................................مع قـوةٍ تحمـي ثغـورٍ وخلجـان
أنا أشهد أنك شاعـرٍ لـك مكانـي
...................................حطيت لك في ساحة الشعر عنـوان
أبدعت في نضمك بجـزل المعانـي
...................................من يحسب أنه يطربك صار طربان*
ذكرتنـي ذيـك السنيـن الحسانـي
أ...................................ايـام ماكنـا صـغـارٍ وبــزران
كنا سوى نـدرس بفصـلٍ إخوانـي
...................................حتى (الكفاءة)مع محمـد وسلطـان
أماالجروح اللـي بقلبـك (دفانـي)
...................................شف رد (خلفٍ) لك ترى فيه برهـان
وأعطـاك( فـراجٍ) بعدحـل ثانـي
...................................اختـار منهـم واحــدٍ ابتمـعـان

.
.
وقال هذال بن فهد آل وقيان الشكره
.
.
حي الجريح وحـي جـزل المعانـي
...................................يامرحبا وأهليـن ياطيـر حـوران
تفجـر البركـان غطّـى المكـانـي
...................................وجاب الدرر في شعره اشكال والوان
يشكي من الدنيا وحيـف الزمانـي
...................................ويقـول وقتـي ماتـعـدل ولا زان
اشـك لوليـك ياكريـم اليمـانـي
...................................ربٍ عطوفٍ مالـك الكـون رحمـن
اصبر ترى قبلـك زمانـي رمانـي
...................................وباسباب ضيم الوقت وقفت حيـران
ولا ذبحني حـب صافـي الثمانـي
...................................وأبشّـرك مانـي عليـلٍ ومرضـان
ولا نيب مغرم في جديـد الأغانـي
...................................ولانيب مشفوحٍ ورى المال شقيـان
وقـتٍ ذبحنـي لا بغيتـه عصانـي
...................................واشوفهـا للغيـر فـل وريـحـان
دنياً تزيـن لفـرخ ولـد الهدانـي
...................................وتصك في وجه الفحل عشر بيبـان
الله يعوضنـا بـوسـط الجنـانـي
...................................يـارب يامنـزل تبـارك والانسـان

هذه مرثيتي في الشاعر ظفر بن محمد بن سند الشكره رحمه الله الذي

انتقل إلى جوار ربه يوم الأحد 18/5/1423 للهحرة

.

.

ياعين جودي بأزرق الدمع جودي
...................................على(ظفر) تكفين هلّـي العبايـر
نجـمٍ بفقـده بيّحـن السـدودي
...................................تبكيه ربعـي بالدمـوع الغزايـر
أسوأ خبرجاني وزلزل اعضـودي
...................................أودع إنياط القلب خطـرن تطايـر
وقت السحر كل الخلايق ارقـودي
...................................وأنا مغير أفتح وأصـكّ الستايـر
سهير عين ودمعتي في اخـدودي
...................................ومن كلّ حدب وصوب ذقت العزاير
فجيعـةٍ منهـا تـذوب الكبـودي
...................................وخسارةٍ معها تهـون الخسايـر
ولوالبكا(ببومـحـمـد)يـعـودي
...................................وصلت مدامعنـا احدود(الجزايـر)
لاشكّ هذا مـن قديـم العهـودي
...................................أمرٍ على كـلّ المخاليـق صايـر
الموت حق ومايفيـد الصـدودي
...................................مهما يفـرّ المـرء ياتيـه زايـر
ماب البنادق تمنعـه والفـرودي
...................................ياصلْك لو دونك شيوخ العشايـر
مصيرنا عقب القصور اللحـودي
...................................وعقب الفياض بضيّقات الحفايـر
فيالله يالمطلـوب يـاربّ هـودي
...................................ياربّ صالـح ياعليـم السرايـر
يامخرج الناقـه بصـمّ الحيـودي
...................................ويامنطقٍ عيسى لقومـه بصايـر
وياحافظٍ موسـى إبليـا اجنـودي
...................................في جوف تابوتٍ على النيل دايـر
أنت الرحيم اللي تحـلّ القيـودي
...................................لاعاكست الأيـام والوقـت جايـر
وأنت الكريم اللي علينـا تجـودي
...................................ومدّات جودك مالها مـن نظايـر
ياهازم الأحـزاب ويّـا اليهـودي
...................................أرجيك رجوى مستصيبٍ وحايـر
ترحم فقيـدٍ يـا إلـه الوجـودي
...................................ماحطّ في ملكك شريـك وخشايـر
اغسلْه بثلـوجٍ ومـاءُ وبـرودي
...................................وادمـح خطـاه ولاتخليـه بايـر
ونوّر عليه القبـر نـورٍ يـزودي
...................................واجعلْه روضه من إجنانٍ خضاير
ويوم الحشر عند إجتماع الوفودي
...................................أظلّه بعرشك من لهيـب السعايـر
وارفع مقامه في إجنان الخلـودي
...................................بين الرجـال مطبّقيـن الشعايـر
وطالبْك تلهمنا الصبر والصمودي
...................................وتجبر عزا كلَ القلـوب الكسايـر
اقلوبٍ إمتليت اطعـون ولهـودي
...................................بفراق(ابومحمد) طوتها الحسايـر
شعبيتـه تجـاوزت للـحـدودي
...................................وغـلاه متمكّـن بكـلّ الضمايـر
وإسمه تخلّـد فالقبايـل خلـودي
...................................ومامات من ذكره مع الخلق ساير
يبقى على مرّ الزمـان إمحمـودي
...................................يحفظ له التاريـخ مجـدٍ إمغايـر
يشهد بطيبـه نازليـن النفـودي
...................................وأهل الضلوع وساكنين العمايـر
بشوش في وجه الرفيـق وودودي
...................................ولاحطّ من دون الرفاقـه ذخايـر
يصخي بماله لو زمانـه مـرودي
...................................لاشحّ ولد اللاش راعـي التجايـر
أقول قولٍ ما يبي لـه إشهـودي
...................................شعاع شمـسٍ ساطـعٍ بالسفايـر
وصلاة من بأمره دويّ الرعـودي
...................................على الذي بإسمـه تلـجّ المنايـر
وعليه السلام اعداد ماهبّ نـودي
...................................وماغنت الورقـا وماطـار طايـر

كنت مدعواً لمناسبة في إستراحة
ورأيت العجب العجاب من متابعة القنوات الفضائية العربية
لهلاك بابا الفاتيكان حديث عن إنجازاته وتاريخه وطقوس الدفن والخلافة
وغيرها من الشعائر النصرانية
وعلى الجانب الآخر أحزنني بكاء ونواح الجماهير المحتشدة
بالقرب من المستشفى يعتقدون أنهم على صواب وماعلموا أن
النار مصيرهم إن بقوا على ماهم عليه من الدين المحرف الضال

قلت هذه الأبيات القليلة تفاعلاً مع مارأيت

قالوا ترى البابـا توفـى وراحـي
...................................وأقول جعله فـي جهنـم مراحـه
تسهر محطات الفضـا للصباحـي
...................................علـى متابعـة الخبـر وإجتياحـه
ولومات شيخٍ من إشيوخ الصلاحي
...................................ماشفت هذي التغطيـة والمساحـه
إعلامنا ممسـوخ مافيـه صاحـي
...................................ينشـر تعاليـم الكفـر والوقاحـه
وش قدّم البابـا بـدرب الفلاحـي
...................................ياكـون تنصيـر العبـاد بكفاحـه
لكن يثير الحزن شـوف النياحـي
...................................من ناس محتشدة على كل ساحـه
يبكون من فرقا الصنم في الضواحي
...................................وهم على درب الضـلال بمناحـه
يالله يامجـري هبـوب الرياحـي
...................................لك الشكر والحمـد عشنـا براحـه
مـا شالنـا تيـار كفـرٍ بواحـي
...................................رزقتنـا الإسـلام ديـن السماحـه
أقولهـا والقلـب باالهـم فاحـي
...................................لاعـاد ربـي جيتـي الإستراحـة

قلت هذه القصيدة بعد قرار فرنسا بنزع حجاب المسلمات

.
.
يالله يــــاربّ الـسـمــا ربّ الأفـــــلاك
...................................محـيـي الـعـظـام الـهـامـدات النحـيـلـه
إجباهنـا تسجـد علـى الطيـن لـرضـاك
...................................مانـخـضـع لـغـيـرك ولانشـتـكـي لـــه
يـاربّ تنصـر عابدينـك عـلـى أعــداك
...................................أهــل الفـجـور تـشـبّ راس الفتـيـلـه
مؤامـرات أهـل الكـفـر ضـدّنـا إتـحـاك
...................................اتــروّج المـنـكـر وحـــرب الفضـيـلـه
وآخرجـديـد إصــدار مشـروعـهـم ذاك
...................................قــــرار مسـتـهـجـن ولابــــه مـثـيـلـه
ياأهل (فرنسـا) بلّغـوا (جـاك شيـراك)
...................................المـسـلـمـات حـجـابـهــن مـانـشـيـلـه
إن ضاقت إبلادك علـى المسلـم إهنـاك
...................................فالهجـره أفـضـل مــن حـيـاة الرذيـلـه
أنـا أحسبـنّـك عـاقـل الـقـوم يـا(جـاك)
...................................وأثرك مثل بوشٍ(ن) ونفس الفصيله
فـيـران والفـيـران مـثـلـك وشـــرواك
...................................مـافـيـهـن الـطـاهــر بـقـلـبـه وذيــلــه
علماني(ن) ملحـد شيوعـي ومغـزاك:
...................................تسـعـى لـهـدم الـديـن بـأيــة وسـيـلـه
ترهي على المسلم بخمر(ن)وتنبـاك
...................................ينـسـى الــزواج ويتّـخـذ لـــه خلـيـلـه
عبدالصليـب انهـارت أخلاقـه وجـاك:
...................................ينـقـل لـنـا الـعـدوى بكـبـد(ن) غليـلـه
يالله عسـى (باريـس) سبعـيـن دكّــاك
...................................سبعين صاروخٍ(ن)عـراض(ن)طويلـه
ماتبـقـي ب(قـصـر الأليـزيـه) شـبّــاك
...................................اتــــروح قـاعـاتــه ركــــام ونـثـيـلــه
وبرج إيفلٍ(ن) تاصل شظاياه الأتراك
...................................تسـقـط عـلـى راس العمـيـل وعميـلـه
لامــــرّت الـمـسـلـم تــعـــدّاه مــنّـــاك
...................................وألاّ عـلــى الـكـافـر إتــوقّــع ثـقـيـلـه
هــذا الـدعـاء وإجابـتـه عـنـد مــولاك
...................................والله كـريـمٍ(ن)والـخـلايــق بـخـيــلــه

وهذه مجاراة من الشاعر والأديب القدير عبدالله بن راجس الرجباني

لا هنت يا فراج لا هان مسعاك
...................................يا شاعر(ن) لا قال قـال الجزيلـه
القاف لا من شاف مثلك وشرواك
...................................أرخى الزّمام وقام له ينحنـي لـه
يصبّ دهن العود من فوق يمنـاك
...................................وترفع لك البيضا براس الطويلـه
يالله عسى كبدٍ تضـدّك وتشنـاك
...................................تقطع بحـدّ المرهفـات الصقيلـه
آمين ثـم اميـن واميـن لدعـاك
...................................آمين يا منشـي حقـوق المخيلـه
تحاموا أهل الكفر واعوان الاشراك
...................................وحاكوا على الاسلام مليون حيلـه
(شارون)جانا عقب ماراح(باراك)
...................................وان مات عيرٍ جاك عيـرٍ بديلـه
المشكلة يا آخوك ما هيب في (جاك)
...................................المشكلـة والله قـلـوبٍ عليـلـه
المشكلة باذناب (بوشٍ) و(شيراك)
...................................نـاسٍ مذاهبهـم علينـا دخيلـه
المشكلة لا ثـار فـردك بمخبـاك
...................................ولا صار داب إمدوّرهْ في شليلـه

وهذه من مجاراة من الشاعر خلف بن غصاب آل فراج الشكره

يالله ياللـي كـل عبـدن ترجـاك
...................................يالواحـد اللـي كلنـا نشتكيـلـه
الوقت جار وياالله إنّا فـي إحمـاك
...................................من كافرن قـام إيتزايـد صهيلـه
علـمٍ يجيـك وياصلـك ويتعـداك
...................................جعلك فدى للـي تغطّـي الجديلـه
إن كـان تنويناعشـا بنتـغـداك
...................................بإذن الكريم اللي يمشّـي المسيلـه
كنا نحسبـك شهـم ثـمٍ نصينـاك
...................................وأثرك سراجٍ حـطّ وسطـه فتيلـه
عسى بقية عمـرك أيـامٍ إحـلاك
...................................ويجري لك اللي شاف الأشرم وفيله
سمعت بوش وعقبهاضاعت أرياك
...................................ممشى عمى والدرب يبغـى دليلـه
مشيت مشيه ثمٍ أعمـاك وأغـواك
...................................والطاغيـه لابـد يومـن يجيـلـه
قرد معا خنزيـر مجنـاه مجنـاك
...................................ماشال من عـارٍ وخزيـاً تشيلـه
وشيراك لامنـه شنـاك وتحـداك
...................................ارحل عـن إبـلاده وتلقـا بديلـه
الأرزاق عند الله مهي عندشيـراك
...................................لاترتجـي رزق اليديـن البخيلـه

الشقب : شعب من شعبان الأحمر

أحدن قصوره فـي شمـال (العليّـا)
...................................وأحدن في ( منفوحة) خذا غرفتينـي
وأحـدن مصيفـه( لندن وماربـيّـا)
...................................وأحدن مصيفه في (الشقب) من يميني
وأحدن معـه فكسـار وارد (إدبيّـا)
...................................وأحـدن كـورلاً خبّطـت مرتيـنـي
وأنـا وربٍّ باعـث أحـمـد نبـيّـا
...................................مانيب حاسدهم على كل زيني
بالعكـس يحزنّـي عُصاةٍ تفـيّـا
...................................فـي وارف ظـلال النعـم فاسقينـي
مايشكـرون الله عظـيـم العطـيّـا
...................................اللـي وهبهـم كـلّ شـيٍّ حسينـي
المسعد اللـي يملـك المـال وأيّـا..
...................................أفعالٍ تنومس وديـنٍ متيـنـي
ينفق مثـل عثمـان سمـح المحيّـا
...................................وأبوبكـر عـون الكهـل والجنينـي
وإن جـاوه الضيفـان رحّـب وهيّـا
...................................أقـل مايلقـون كـبـشٍ سميـنـي
أمـا الـذي قصـره ينـوش الثريّـا
...................................وهو على نفسـه مـن المجرمينـي
هـذا يسمّـى خبـل مابـه إغبـيّـا
...................................مفروض يرمى في المصحّه سجينـي
قلته وأنـا اللـي قانـع بكـلّ شيّـا
...................................وكنز القناعـه أشهـد إنّـه ثمينـي
لاصار عنـدي قـوت يومـي إمهيّـا
...................................وجسمـي معافـا والأهـل وامنينـي
كنـي ملكـت الكـون كلـه إهنـيّـا
...................................مـن دار بـوشٍ ليـن دار الخمينـي
ليـه الطمـع فـي رزق هـذا وذيّـا
...................................وهــذا وذيّــا بـدّهـم راحليني
ويبقى مـن الأعمـال حسـنٍ وسيّـا
...................................وصحايـفٍ تعطـى يسـار ويمينـي
فـيالله بالتثبيـت (مادمـتُ حـيّـا)
...................................وإن متّ عفوك ياأرحـم الراحمينـي

وهذه مجارة من الأخ الشاعر عامر بن عبدالرحمن النتيفي

الوقت غيـر الوقـت مابـه خفيـا
...................................للذيب شين وللحصينـي يزينـي
ومن جار وقتـه يارجـال الحميـا
...................................يصبر على الشدات والله يعينـي
ولو كان مطلوبـه عجـز ماتهيـا
...................................بكره يزين الوقـت والله عوينـي
والنـاس كـل النـاس والله سويـا
...................................الفرق في الاعمـال علـم يقينـي
احد(ن)عـلا حظـه وهـذاك عيـا
...................................وهذاك في راحـه وهـذا حزينـي
هـذي هـي الدنيـا الدنـيـه كـذيـا
...................................وذا طبعها ياخوك طول السنيني
مااحد(ن)بقى فيها سويـن قويـا
...................................ياليـت يوحـي قولنـا المترفينـي
واللي ركب فكسار واللـي دبليـا
...................................واللـي مساكنهـم قصـور تبينـي
واللـي مصيـفـه دايــم الماربـيـا
...................................كــل البـشـر لابـدهــم ميتـيـنـي
الرابح اللـي لارحـل فـي عدنيـا
...................................فـي جنـة الفـردوس ومنعمينـي



هذه قصيدة قلتها بعد دعوة القذافي الأمريكان لتفتيش بلاده من الأسلحة

باديٍ عقب العصر في نايف المشرافـي
...................................آتنقّـا مـن بيـوت الشعـر وآولّفـهـا
ودي إنهـا ماتنقّدنـي مــع العـرّافـي
...................................يوم أبيّنها على أهل المعرفـه وأكشفهـا
والقصايد ماتجي دايـم علـى الأشفافـي
...................................مـرٍّ تخمّـك كـذا ماتقـدر تصرّفـهـا
تجبرك تبدع بيوتك في الوضيع الهافـي
...................................وهو مايستاهـل العنـوه علـى طارفهـا
لكـن نوسّـع صـدورٍ همّهـا جرّافـي
...................................في زمان الهيمنه سيـل القهـر جارفهـا
ياعرب ياللي تعدّون العـرب الأشرافـي
...................................الرجـال اللـي فِحـزّات القسـا نعرفهـا
لاتعـدّون العقـيـد معـمّـر القـذافـي
...................................العميل اللي حياة أهل الـردى موالفهـا
أمـة الإسـلام والتوحيـد والإنصـافـي
...................................لايمثّلهـا الخبـل هـذا ولا يشرّفـهـا
أشهد إن الـذل حـلاّب البقـر ياكافـي
...................................يدعو أمريكا لتفتيـش البلـد وإغرفهـا
يامفتّشـة السـلاح بدولـة الخـرّافـي
...................................فتّشوا عقلـه وتلقـون الخلايـا سفهـا
بيّض الله وجه أبومتعب عطـاه الشافـي
...................................ألكمـه فـي الوجـه خطّافيّـةٍ خاطفهـا
لين قفّا مايشوف الـدرب فيـه إرجافـي
...................................تاكل وتشـرب معـه ونفيستـه متلفهـا
هكذا ياجـب نعامـل سافلـة الأوصافـي
...................................لامتى نجامل هـل الخـذلان ونلاطفهـا
عقب ماشفت النسا إتحرسه وأنا ياضافي
...................................غاسلـنّ إيـديّ بالصابـون وإمنظّفهـا

يقول بندر بن سرور رحمه الله

أحدن ينام وحط راسه بكمه....وأحدن تخم النوم عينه وتخطيه

لايوجد إنسان لم يسهر ولايوجد شاعر لم يسهر, ولكن عندما يكون السهر إجبارياً

يكون الوضع مختلف والطعم مختلف أيضاً , ولايغبط الإنسان ولايسترعي إنتباهه

أحد أكثر من أولئك الأطفال الصغار الذين ينامون بمجرد أن يرغبوا في ذلك

تجد الواحد منهم في قمة نشاطه وتوهجه ولاتمضي دقيقة أو اثنتان إلا وهو يغطّ في نومٍ عميق

فراس..أحد أولئك الأطفال قلت فيه ذات(سهر) في سنواتٍ خلت هذه الأبيات طبعاً مع قول ماشاء الله تبارك الله

ياهاجسـي حطّمـت رقـمٍ قيـاسـي
...................................ساعة عيوني شافـت إرقاد(فِـراس)

سبحـان خـلاّق الجبـال الرواسـي
...................................كيف الطفل يرقد على غير هوجاس؟!!

لأقبـل منامـه مـاتـزوره مـآسـي
...................................أرخى يمينه وإرتخى فوقهـا الـراس

عزّالله إن راسه مخالـف لـراسـي
...................................لاجيت أبرقد يشتغـل فيـه مـرواس

تمضي علي الأوقـات للنـوم ناسـي
...................................أضرب على همي بالأخماس الأسداس

كني مـن أهـل الموقفـه والتكاسـي
...................................وأنا لساني مابعـد لمـس(((...اس)))

ياليت حلو النـوم يُشـرب إبـكاسـي
...................................وأنخى ولد عمـي يناولنـي الكـاس

عانيت مـن وقـتٍ شديـد المِراسـي
...................................قضى على روحي وأناآقول(لابـاس)

واليوم (لابـاس) أعتقـد ماتواسـي..
...................................جرحٍ لجا فالجوف خطرن وحسّـاس

ودّي بشـيءٍ لـه تزايـد حمـاسـي
...................................لوحال من دونـه مخافـر وحـرّاس

ماودّي بـرتبـه ومنصـب سياسـي
...................................ودّي بـنـومٍ يشبـه لـنوم(فِـراس)



وبعد (أربع سنوات)على هذه القصيدة رديت (بأربعة) أبيات أخاطب فيها نفسي

لاحاربـت عينـك لذيـذ النعاسـي
...................................والنفس محزونه وخاطرك منحـاس

فترى الصلاة مليّنـة كـل قاسـي
...................................صلّ وتهجّد ينجلي كـل هوجاس

ثم اذكر اللي فالسما إن صرت ناسي
...................................ينتشلك الله من همومـك والأتعـاس

وتمسي قرير العين مافيـك باسـي
...................................كنّك ملكت بنوك (لندن وتكسـاس)

كنت ذات مرة في محطة بنزين عندنا في الأحمر (أعبي سيارتي) وعندما انتهى الباكستاني (زاده) من التعبئه

أتاني ليأخذ الحساب فوجدني سارح التفكير وكنت حينها أمر ببعض الظروف ,,فأخذ يضحك ويسألني هل هذه الهواجيس من الحب(طبعاً بلغته المكسرة

ذهبت من عنده وقلت مباشرة هذه القصيدة التي حذفت منها عدد من الأبيات لخصوصيتها الشديدة

هنيّ الذي عقـب العشـا كبّـر إوسـاده
...................................وأناعينـي القشـرا عـن النـوم ملـدوده
وجـودي توجّـاد المجـلاّّّّ عـن ابـلاده
...................................جـداه إيتزفّـر لاذكـر موطـن اجـدوده
أكـنّ العبايـر خابـر الـنـاس نـقّـاده
...................................أحاول قـدر الإمكـان والنفـس مضهـوده
وإلى رحت بلحالي جرى الدمـع كالعـاده
...................................ادموع(ن) إتترجم عن شقا القلب وإلهـوده
وأنا مابـلاي الحـب والشـوق (يـازاده)
...................................بلاي الزمان اللي تعـدّى علـى احـدوده
زمان(ن) خذلني وإنطوت صفحة أعيـاده
...................................حرمنـي وهـو يمنـاه للغيـر ممـدوده
ولكن معا ربّ(ن) رحيم(ن) على اعباده...
...................................مفاتـيـح أرزاق المخالـيـق مـوجـوده
أنـا مؤمـن(ن) بالله مانـيـب جـحّـاده
...................................ولانيب خبل(ن) يتبـع ابليـس واجنـوده
ولانيب من يسهـر علـى صوت(ميّـاده)
...................................ولاشدّنـي جلسة(عبـادي) علـى عـوده
أناأرجي فقـط حسـن الختـام وتشهّـاده
...................................وهـذا هـوى قلبـي وشفّـه ومقصـوده

صحبت مجموعة من الدعاة الأفاضل من أهل الوادي

إلى دولة (موزمبيق) في جنوب القارة الأفريقية ..قضينا هناك شهراً ونصف الشهر تقريباً

قلت خلالها هذه الأبيات المتواضعة

وأصحابي الذين كنت معهم هم : مترك بن محمد الخضاري ومصيبيح بن حمود آل وثيله

وفهد بن محمد آل عويمر وضيف الله بن بخيت , وخلف بن ناصر آل ظفر

أنا مع هل الدعوه سلا خاطري وانسـاح
...................................ووضعي بعد طول العنـا تـمّ تصليحـه
خرجنا وخرّجنـا مـن اقلوبنـا الأتـراح
...................................وطبنا من اجـروح الدهـر يامجاريحـه
قطعنا المسافات الطويله علـى أمّ إجنـاح
...................................على وارد البوينـق فـي الجـو سبّيحـه
ووصلنا (موبوتو)العاصمه والضمير إرتاح
...................................عساهـا مراديـف السحـاب ومراويحـه
لقينا العجم أهل التقـى والكـرم نضّـاح
...................................شيوخٍ سعوا للديـن نشـره وتوضيحـه
وعقبـه توجهنـا شمـال البلـد نـزّاح
...................................سكنّا وسـط الأدغـال للنفـس ترويحـه
سمانا سحـاب وماطـر وبـارقٍ لـوّاح
...................................وثرانا خضاره زاهـيٍ وسـط أباطيحـه
من الطين مسكنا وسقفـه مـن الألـواح
...................................وكنا وسـط قصـر الرخـام ومطاريحـه
حيـاةٍ بسيطـه لاكهـارب ولامصـبـاح
...................................سراجٍ وقـازه ينعـش الـروح بالريحـه
حيـاةٍ تذكرنـا الصحابـه وعصـرٍ راح
...................................وكيف إعتلى الدين ومواردهـم إشحيحـه
قضينـا ليالـي خالـده عطرهـا فـوّاح
...................................بصحبـة نباريـس الصـلاح ومفاليحـه
أبوناصروضيف وفهد وأيضـاً المصبـاح
...................................ومتـرك الأميـر ولانوفّـيـه تمديـحـه
ارجال وعقيده صافيه والقلـوب إصحـاح
...................................أسود الوغى والديـن دايـم طحاطيحـه
ولاكدر الخاطـر وخـلاّ الحـزن يجتـاح
...................................سوى المسلمين اللي عن الحـق نزّيحـه
وجدنا ظروف النـاس تحتـاج للصحّـاح
...................................عطاشاً يبون الديـن ويبـون تصحيحـه
عرفنا حجـم تقصيرنـا والكفـر سفّـاح
...................................وطـا عـزة المسلـم ودمّـر مصاليحـه
سلبهم هويتهم وصـاروا بـدون اسـلاح
...................................نسخ للنصارى فـي ملابـس وتسريحـه
فأنا بنصح اللي عاقـلٍ يبتغـي الأربـاح
...................................يـدوّر ثـواب الله ويرجـي تساميـحـه
عليه إيتحـرّك فـي سبيـل الله الفتـاح
...................................ويبذل قصـارى جهـده اليـوم وإيتيحـه
وأنا بنصح اللي في ظلام المعاصي طـاح
...................................سجين الهوى اللـي ضايعـاتٍ مفاتيحـه
يرافق هل الدعوة هل الخيـر والإنصـاح
...................................ويلقى دواء روحه وينهض من الطيحـه
إلى منهج التوحيد ندعو لجـل الإصـلاح
...................................ولاهمنـا الناقـد وكـثـرة تصاريـحـه
فهذي وظيفة كل مسلـم بوسـط السـاح
...................................يبلّغ ولـو آيـة مـن الوحـي وإتبيحـه
رسول الهـدى قالـه ولاتعتـذر ياصـاح
...................................حديـثٍ صحيـح وثابتـاتٍ تصاحيـحـه
رأينا نتايج دعـوة الحـق دون إيضـاح
...................................ثمرها على مرأى البشـر طـاب تلقيحـه
ثمرها شبابٍ كـان بيـن الـدول سـواح
...................................على المرقص الساهـر تزايـد ترانيحـه
وتـاب وهـداه الله إلـى سكـة الفـلاح
...................................وعوّد مـن أصحـاب القيـام وتراويحـه
وكم بدعةٍ زالت بنـور الهـدى الوضّـاح
...................................وقبر الولي طاحـت مبانيـه وإضريحـه
وصليب النصارى كم تكسّر بدون ارمـاح
...................................بالإكرام والحكمـة قضـى الله بتمسيحـه
وذا غيض من فيض الحقايق والإستسماح
...................................جهود الدعـاة أمـرٍ عسيـره تشاريحـه
دعاةٍ إلى جهد النبـي والسنيـن إشحـاح
...................................يضحّون لـو الحـال ضاقـت تفاسيحـه
إليا ناموا الساليـن والليـل نصفـه راح
...................................وصفّـت ملايكتـه وغابـت مصابيحـه
يقومون في جوف الدجا للصـلاة أشبـاح
...................................أحـد ساجـدٍ يبكـي والآخـر بتسبيحـه
وجيهٍ منوّرهـا الولـي فالـق الإصبـاح
...................................كما نور صبـحٍ يفهـق الليـل وإيزيحـه
سلامي عليهم عـدّ مـا الكبتـن المـلاّح
...................................تجوّل بهم في عالي الجـوّ مـع ريحـه
وعدد مارفع الآذان في الطايـره صـداح
...................................وصلوا أمـام النـاس دعـوه وتلميحـه
فيا سعد من قضّى العمر داعـيٍ نصّـاح
...................................وياويح مـن فـرط بالأعمـار ياويحـه

أخبرني الأخ الشاعر محمد بن ادريس بن ظفر الشكره بقصيدة له

أعجبتني فجاريتها ثم جارانا بقصيدة اخرى الأخ الشاعر عامر بن عبدالرحمن النتيفي

يقول محمد

أشوف بـرقٍ سـرا وأخايل اليمّـه
...................................عساه يمطر على الأفلاج والـوادي
أهل الوفاوالكـرم والجـود والهمّـه
...................................وأسود نجد العذيّه روس الأجـوادي
دواسرٍ طيبهـم دايم علـى الذمّـه
...................................وأفعالهم بيّنـه مابيـن الأشهـادي
من جالهم في القسا صاروا بني عمّه
...................................ومن زارهم في الرخا غنّى بالأجدادي
اللابة اللي علـى العـدوان ملتمّـه
...................................بسيوف هنـدٍ تقاطـر دم وإحـدادي
فيالله طلبتك تغيث وتسقـي الأمّـه
...................................وبل السحاب المرزّم فوق الأنجـادي
يالله طلبتك تغيـث وتكشـف الغمّـه
...................................والختم صلّوا على مختارنا الهـادي

وهذه مجاراتي للقصيدة

يامرحبـاً بالقصيـد إمعانـق القمّـه
...................................جواهـرٍ مانظمهـا كـلّ قـصّـادي
يامحمد ارحب وعطر القاف نشتمّـه
...................................من بعد كيلو نشـم العـود والكـادي
هيّضتني(للحمر)والكـبـد منسـمّـه
...................................من جاير الهـم والفرقـا والإبعـادي
من طيب ساسك وطيب الراس والهمّه
...................................يهزّك الشوق صوب الدار وتنـادي
والدوسري لوسكن في (جنيف)ماهمّه
...................................ماهوب ينسى الربوع ودار الأجدادي
يالله عساها مـزون الوسـم ملتمّـه
...................................خمسين ليله وهـي بـرقٍ ورعّـادي
لين(المعيذر) يصـكّ الجـال وإيدمّـه
...................................(والباطن) إتعجرف أمواجه مع الوادي
هذي طراة الحيـاة ومطربـة الأمّـه
...................................لاقامت سيولهـا تلحـق وتـزدادي
تخضرّ عقب الدهر شعبانهـا الجمّـه
...................................والذود يشبع بدون أعلاف وأنكـادي
يقولها اللي غلا الأفلاج فـي دمّـه..
...................................يسري ولوكان حـدّه دونهـا حـادي
لاغبت عنها يضيق البال مـن همّـه
...................................وإن جيت غبر الليالي صارت أعيـادي

وهذه مجاراة الشاعر عامر بن عبدالرحمن النتيفات

مـن عـد شعر(ن)قـراح صافـي جـمـه
...................................هجسي تهيض وجـاه الشعـر ينقـادي
ماهيضه هرج فاضـي مـن هـل النمـه
...................................ولاهيضـة مصلحـه والــرب شـهـادي
هـاض وتهيـض وقـاف الربـع ماتمـه
...................................حـــداه لـلــرد شـــوق داخـلــه زادي
بيـوت مـن شافهـا لــو كــان بمهـمـه
...................................ينسـى المهمـه ولاتـم الشعـر عــادي
فرايد(ن)تبـعـد مــن الضـايـق الغـمـه
...................................تطفـي لهيـب بوسـط الجـوف وقـادي
فيهـا الحيـاء والدعـاء وقلـوب ملتمـه
...................................وشوق وحنينن على الاوطان معتادي
والـدار ياأصحابنـا للـرجـل مـثـل أمــه
...................................تلـقـاه دايــم لـهـا مـشـتـاق نـشــادي
افراقهـا صعـب ستـر الرجـل وتضـمـه
...................................لـو راح يرجـع لـهـا دايــم ويـرتـادي
خـصـا ليـاجـا الحـيـا تفكـيـره يـخـمـه
...................................وده بــداره وشغـلـه يـلــزم اقـعــادي
وان صار في الجامعه يدرس ترا دمه
...................................يـفــور لاحـــاول الـدكـتـور مـافــادي
وحاول اربوعه هل الشعبه لقـى خمـه
...................................ماحد(ن)تمزهل بتحضيـره ومـا رادي
والقول لي مقصد مخصوص ما اعمه
...................................والذيـب داري بمقـصـادي وقـصـادي
والخير شامـل وعرهـا والسهـل طمـه
...................................المملـكـه ربـعــت والـخـيـر يـــزدادي
الله يـديـم الـرخــا والـحـاسـد ايـزمــه
...................................للمـوت حتـى نعيـش بـدون حـسـادي

******

غابت علي الشمس في رجم الخشوف
...................................إمنـاوبً فـوق الرجـوم النايـفـه
ماجابني غير القصايـد والحـروف
...................................وصكّات بقعـاء والهمـوم اللايفـه
ياأصحابنا ياللي تصلـون الكسـوف
...................................مامنكم أحدن في الفرايـض شايفـه
ياكثركم عنـد المعـازف والدفـوف
...................................لأحييتوا الحفلـة والأجـواء كايفـه
وياقللكم عنـد إلتحامـات السيـوف
...................................لابـان فيهـا الصاملـه والخايفـه
مانيب من يشره على بنت الهفـوف
...................................أشـره علـى أبوهـا لبـو خلايفـه
ياليتنـي أقـدر أطوفهـا تـطـوف
...................................ميـر البـلا كـل الخلايـق شايفـه
في موقف الإسلام ممنـوع الوقـوف
...................................وإمجاهـد الكفـار كــلً عايـفـه
لكن عسى الله ينصر الناس الضعوف
...................................ويهيـن عشـاق الحيـاة الزايفـه

المكان : لندن / بريطانيا

الزمان : 1418 /1998

...

فـي غربتـي مالقيـت أحـدن يلاحينـي
...................................(وإنجلتـرا) بهذلـت قلـبـي حواريـهـا
هــمٍ يـسـاري وهــمٍ عـــن ميامـيـنـي
...................................تقبـل وتقفـي علـى كبـدي وتشويـهـا
هـذا وأنـا غربتـي ماغـيـر شهريـنـي
...................................وشلـون لوهـي تـطـوّل بــي لياليـهـا
ياطايـره وإن نويتـي الليـل تسريـنـي
...................................أخـذي رسالـه إلـى المجمـول ودّيـهـا
ردّي سلامـي عـلـى بــدر المزاييـنـي
...................................غروٍ من أجله دموع العين مصخيها
أحسبتـنـا البـعـد مــن داره يسلّـيـنـي
...................................وأثــر المحـبّـه تـزيـد ببـعـد راعيـهـا
غــلاه يكـبـر ومــع الأيـــام ينهـيـنـي
...................................حـبٍ وغربـه جميـعٍ وش يناحيـهـا؟!
لاجيت أغبّي يهيض الشوق ويبيني
...................................عيـب المـودّه تبيـن بوجـه مخفيـهـا
الله يـصـبّــر خـفـوقــي يامـظـانـيـنـي
...................................إلـيـن أغــادر ثرى(لـنـدن) وأخلّيـهـا
يسقى ليا من وصلنا (مفرق الريني)
...................................ترتـاح نفـس المـولّـع مــن بلاويـهـا
أشوف ربعي ومن هـم لـي عزيزينـي
...................................والعين تفـرح نهـار تشـوف غاليهـا
نلفي علـى ديـرةٍ تسـوى نظـر عينـي
...................................ياوجد حالـي علـى شوفـة ضواحيهـا
وجــود منـهـو حبـيـسٍ فالزنـازيـنـي
...................................عشـريـن عــامٍ ولـحـدن زاوره فيـهـا
دار الـقـروم الشغامـيـم السلاطـيـنـي
...................................(آلاد شــكــرٍ) عـريـبــاتٍ مجـانـيـهـا
(آلاد شـكـرٍ) هــم إكـعـام المعـاديـنـي
...................................صـــوارمٍ فالـلـقـا تـــروي شلافـيـهـا
ذبّاحـة الحيـل يـوم إنّ الدهـر شيـنـي
...................................مهوب يـوم العـرب فاضـت مخابيهـا
يـفـرح بـهـم هـاشــلٍ ذاق الأمـرّيـنـي
...................................والجـار يـامـن بقصرتـهـم ويغليـهـا
والفخر والله بحسـن الخلْـق والدينـي
...................................وألاّ المظاهـر مصيـر المـوت ملغيهـا
يوم القيامه عقـب نصـب الموازينـي
...................................أنسـابـك بتنقـطـع لـوكـنـت زاكـيـهـا
(أبوجهـل) فـي جهنـم مالـه إمعيـنـي
...................................(وأبولهـب) تبّـت إيديـه ووقـع فيـهـا
(وبلال وصهيب) فالفردوس طربيني
...................................رافعهـم الـديـن فــي عـالـي مبانيـهـا
تمّـت وأنـا طالـبـك يــاربّ (ثنتيـنـي)
...................................تحسن لـي الخاتمـه والجنـة أرجيهـا

سعيد بن واحش رحمه الله رحم الله الشاعر (سعيد بن واحش) وأسكنه الفردوس الأعلى من الجنة...

عرفته من خلال قصائده الصادقة المتناثرة هنا وهناك فأحببته في الله دون أن ألتقى به أو أحادثه أو حتى يعرفني

كان من خيرة الشعراء خلقاً وشعراً وتواضعاً , ومن أشهر قصائده قصيدة الفلوجة ذائعة الصيت التي يقول في مطلعها

ياخاطري كل ضيقةٍ مفروجـة.....والله على جيش التحالف قاوي
البيت الأبيض وإن علا ببروجه......ينهد فوق الغاوي ابن الغـاوي

الأربعاء شارك معنا بقصيدة في أحد المنتديات ثم سافر من أجل زواجه الذي حدد موعده يوم السبت ,

ولكن أراد الله عز وجل أن يختاره إلى جواره بعد أن تعرض إلى حادث مروري مساء يوم الخميس ,

أسأل الله أن يسكنه الجنة ويزوجه من الحور العين

الأبيات التالية ليست رثاء بقدر ماهي نصيحة لنفسي في المقام الأول

ولإخواني الكتاب في الإنترنت بأن نسعى جميعاً لتقديم مايسرنا يوم القيامة أن نراه

دنياً تدور وكلّ من فوق الثرى بيزور مثـواه الأخيـر
...................................والدايم اللي مستوي فوق العروش وبأمره الدنيا تدور
الموت مايعرف كبير ولاصغيـر ولافقيـر ولاوزيـر
...................................تخطّف أرواح البشر من كلّ نوعيّة على مرّ العصـور
والمشكلة نبصر وشفنا هادم اللـذات يجتـاح الكثيـر
...................................لكنّها تعمى القلوب السادرة في غيّها بأقصى الصدور
سعيد بن واحش قبل يومين معنا يكتب الشعر المثيـر
...................................واليوم في جوف اللحد بين الجنايز والنصايب والقبور
الله ولابعض العلوم اللي توثّم فـي معاليـق الضميـر
...................................خبر وفاته هزّني هزّ الـزلازل للجبـال أم الصخـور
لاشك مهما كان نؤمن بالقضا ونكفكف الدمع الغزيـر
...................................ونعزّي أنفسنا بذكراه الحميدة طول مشوار الحضـور
ترثيه جزلات القصايد والبيوت اللي كما نفح العبيـر
...................................من قمة المعنى إلى روضة تعابيره إلى عذب البحـور
تاريخ ناصع بالبياض وخطوةٍ تأبى على الذلّة تسيـر
...................................والهامة اللي ماطراها تنحني ياكـون للـرب الغفـور
ماسخّر أشعاره سوى للدين والحكمة وللرأي البصيـر
...................................يوم الزمن ذاه أكثر الشعّار شغّالٍ على بنـد الأجـور
عساه في الفردوس ينعم بالرخا فوق الأرائك والسرير
...................................مابين رؤية ربّنا الرحمن ومْلاعب شبيهـات البـدور
والله يجعلنا من اللي يخدمون الدين في العمر القصير
...................................كلٍ بيفنى مير يبقى ماكتبنا فـي غياهيـب السطـور
العاقل اللي في حياته حاسبٍّ حْساب تقريـر المصيـر
...................................للنار والجنة ليا نشرت صحف الأعمال في يوم النشور

مناسبتها

تطاول البابا على
دين الإسلام ووصفه باللامنطقية والإساءة لنبيه الكريم صلوات الله وسلامه عليه

ذا زمان الحثالـة يازمـان الزحـول
...................................ارتفع فيه صـوت العالـم الملحـده
النصارى على الغزوة تـطقّ الطبـول
...................................واليهـودي يزمجـر نافـخًّ إغـدده
الحروب الصليبية وذكـرى المغـول
...................................داعبتهم وجاب الكلـب نبـح وْلـده
وابن الإسلام ساقه بالقيود إمعقـول
...................................مايحرّك سواكـن لـو تبـاد إبلـده
آه ياغصةٍ فأقصى الضمايـر تجـول
...................................عقبها الطرف عيّـا يهتنـي مرقـده
علّموا حضرة (البابا) شبيه العجول..
...................................في الفكر والشكل..جعل المرض يقعده
ندري إنه بدين الحق ماهـو جهـول
...................................لكن الحقـد شبّـت نـاره الموقـده
غاظهم ينتشر الإسلام عرضٍ وطـول
...................................في عقر دارهم , دار الخنا المفسـده
دين فطرة , تعاليمه تثيـر الذهـول
...................................لاتعارض مـع المنطـق ولاتجحـده
مسلمين العقيـدة طاهريـن الميـول
...................................و (المسيح ) النبي عبـدٍ ولانعبـده
انفخ الله روحه وأنجبتـه ( البتـول)
...................................ثم جت تحمله وهو ايحكي في إمهده
مادعاه الله ابنـه وأومـره بالنـزول
...................................ولا إصلبوه اليهود ولارموه إوحـده
الخرافات هـاذي ماتخـشّ العقـول
...................................لوتضـجّ الكنايـس بالخطـا تـردده
تستبين الحقايق بإنتهـاء الفصـول
...................................ومن يجاهد مع الباطل يضيع إجهـده
ورغم تشويه الإعلام وكـلام الخبـول
...................................النصـر للحقيقـة قـادمٍ بإسـعـده
كاهن (الفاتِكان) يْجيه يـوم ويـزول
...................................خاسرٍ في حياته والحشـر موعـده
من تهجّم على الإسلام وألا الرسـول
...................................أخرس الله لسانـه ثـم شلّـت يـده
مانريد إعتذارٍ من خبيـث الأصـول
...................................ودّنا (بـأم خمـسٍ) راسـه إتبـدده

****

الناس لو بثوا إشاعات وإعلوم
...................................وفي غيبتي ياطول ليـلٍ سـرو بـه
فأنا ثقيل الـروز مانيـب منجـوم
...................................بأقول : زيـدوا بالعلـوم الكذوبـه
مانلحق المغتـاب شرهـه ولالـوم
...................................حيثـه لنـا عـدًّ قـراحً شروبـه
صلى وزكى وأتبع الحـج بالصـوم
...................................ولسانه أهدالـي الأجـر والمثوبـه
هم ياكلون العرض والعرض مسموم
...................................ماخافـوا المولـى ولافكـرو بـه
لادين ينهاهـم ولاعـرف وإسلـوم
...................................يلقون في الغيبـة حـلاة وعذوبـه
الضيف لاجاهـم مقـدّر ومحشـوم
...................................ومن يوم حرّك موتره شرشحوبـه
تلقى الردي يغتاب شجعان وقـروم
...................................يسرد مساويهـم ويخفي عيوبـه
وهو نهار الهوش ماينطـح القـوم
...................................لاشافهـم قامـت تراعـد إجنوبـه
هذا وشكله ماحدانـي عـن النـوم
...................................وأهل الوفا والطيـب ماعبّـرو بـه
ولو البشر طرمان ماشفت مهمـوم
...................................عاشوا رفاقه فـي حيـاةً طروبـه
لكن طبيعة في البشر دايـم الـدوم
...................................في كل بلـدان العجـم والعروبـه
محدن من إهروج المخاليق معصوم
...................................الله . وهو رب الخلايق . حكوبـه

****
...

لله درّك يا الطبيـب (الربيعـة)
...................................يامبهـر العالـم بفصـل التـوايـم
يفخربك الشعب السعـودي جميعـه
...................................من بيد(عرعر) لين خضر(التهايـم)
إنجـاز تلـو إنجازما يستطيـعـه..
...................................ألاّ الرجـال الصادقيـن العـزايـم
صرنا محطّ أنظـار كـل الوسيعـه
...................................من فضل ربّ العرش منشي الغمايم
ثمّ إبجهود أهل النفـوس الرفيعـه
...................................اللي لهـم فالطـبّ مجـد ووسايـم
شرواك يادكتـور يشكـر صنيعـه
...................................وفريقـك الطبـي قـويّ الشكايـم
سطّرتوا بمـاء الذهـب فالطبيعـه
...................................أعظم حدث نال الفخـر والزعايـم
أخبار(لندن)و(الجزيـره)تـذيـعـه
...................................و(ديلي تلقراف) ـالجريده ـو(تايم)
نقشتوا اسم (المملكه) فـي الطليعـه
...................................يبـرز حضـارة لابسيـن العمايـم
(المملكـه)دار الكـرم والشريـعـه
...................................يارد عليهـا كـل مظمـي وهايـم
ملاذ من قاسـى الهمـوم الفظيعـه
...................................على أرضها يلقى الهنـا والغنايـم
شف(تاليا)عقب المرض والفجيعه..
...................................تضحك معـا (تالين)والحـظّ قايـم
لله درّك يا الطبيب (الربيعـة)
...................................يامبهـر العالـم بفصـل التـوايـم

..

شان الزمان وشـبّ فالقلـب لاهـوب
...................................وشمـس السعـاده حوّلـت للمغيبـي
وجوّي تكدّر وأصبح الوضـع مقلـوب
...................................كنت الطبيب وصـرت أدوّر طبيبـي
أول لبعض النـاس غالـي ومحبـوب
...................................واليوم ذاك البعض قـد هـو حريبـي
وأنا ما أحَسب إب رأي جربا ومجروب
...................................ارخوم قومٍ فـي قفـاي إتحكـي بـي
ماهمّنـي نـذلٍ يـدوّر بـي عيـوب
...................................وهـو عيوبـه عـدّ رمـل الكثيبـي
ياقلـب لاتحـزن وماصـار مكتـوب
...................................هـذا قـدر عمـري وهـذا نصيبـي
ماب الحزن والدمع لو هـلّ مسكـوب
...................................يقـدر يعـوّض مافقـدت ويجيـبـي
ماردّ يوسف دمعـة عيـون يعقـوب
...................................مـاردّه ألاّ مـن قضـى إنّـه يغيبـي
ربٍ كريـمٍ فـارجٍ كـل مـكـروب
...................................بقدرتـه وحـده يـحـلّ الصعيـبـي
ياقلبي اصبر واحتسب وأعلن التـوب
...................................وش عاد يعني لأمتلى الراس شيبـي؟!
إن كان حلمك مات وأمسيـت منكـوب
...................................هـذا طموحـي مالـه ألاّ يطيـبـي
باكر تعدّل وإ يحصل كـل مرغـوب
...................................مانيب من يشـرب إحثـال وسريبـي
أرجي عسى اللي صار كفّارة إذنـوب
...................................ورزقي على اللي فوق خلقـه رقيبـي

يامـلّ قلـبً علـى مـلّـة
...................................مفتّـت الـحـال تفتيـتـي
من مشهد إوحوشٍ إمضلّة
...................................في شاشة النت فـي بيتـي
(سلمـان) ياشامخ الطلّـة
...................................ياالحاكم الذايـع الصيتـي
ياأمير سيـف العـدل سلّـه
...................................طيّـر إرقـاب السرابيـتـي
حكـم الشريعـة وحكـم الله
...................................لاعـاش حكـم الطواغيتـي
ذبـّان(ن) تسبّـب العلـة
...................................إعلاجهـم رشـة إفليـتـي
لايفلـت المجتمـع كـلـه
...................................بأسباب نـاس(ن) مفاليتـي
ويابنـت ياضحيـة الشلـة
...................................في الشارع المظلم أخطيتـي
تستّـري داخــل الفـلـة
...................................لايقـرب القـاز كبريـتـي
السافـل مضيّـع المـلـة
...................................يجـنّـبـك لاتغطـيـتـي
عـدونـا زايــدن غـلّـه
...................................يطرب ليا شافتـك أغريتـي
أسّـس محطـات منحـلـة
...................................وإبليـس ينخـا العفاريتـي
يبغـى الموازيـن مختـلـة
...................................ويشتـت الخيـر تشتيتـي
مير الوعـد ساعـة الذلـة
...................................للحشـر ساعـة وتوقيتـي
الخـل ماينفـعـه خـلّـه
...................................غيرالعمل حـيّ(ن) وميتـي
يـارب لاتكشـف الخـلـة
...................................لاطـار ستـر المكابيـتـي
سايلك يـوم الحشـر ظلّـه
...................................وفي وحشة القبـر تثبيتـي

هذه مساجلة بيني وبين أخي الشاعر القدير / عامر بن عبدالرحمن النتيفات الدوسري

ويعود تاريخها إلى نهاية عام 1424 للهجرة (( ما أسرع وتمضي السنين , جعل الله أعمارنا وأعماركم

(( معمورة بالطاعة ومختومة بالخاتمة الحسنة

: كنت وقتها مشرف على قسم الشعر في منتدى الأفلاج ,

: وتغيبت لبعض الوقت فوجه لي أبوعبدالرحمن القصيدة التالية

عسى المشرف اللي غاب يرجع لنا في الحال
...................................ولوغيبة المشـرف لهـا أسبـاب مبديهـا
وعسى الإمتحان أمره يسيـرٍ وفيـه ينـال
...................................نجـاح وتـفـوق والصعيـبـة يعديـهـا
ويفتك مـن هـم الدراسـة وشغـل البـال
...................................ويرجـع وهـو مرتـاح منهـا وطاريـهـا
و (فراج ) مثلـه ينفقـد والصحيـح يقـال
...................................رجـالٍ تقـول الشعـر والكـل يوحيـهـا
ومجلس قوافي الشعر قد لـه ليـال اطـوال
...................................وهـو صابر(ن)يرجـي جدايـد قوافيـهـا
ولاجاه منها شـيء واليـوم صبـره طـال
...................................يبـي لـه قصايـد صـادقـاتٍ معانيـهـا
علشـان يبقـى للعـرب دايـم (ن)مدهـال
...................................ويـرتـاح زواره وتـلـقـى مباغـيـهـا
هذا والشعر ذاالوقت ياخـوك حالـه حـال
...................................وهيبتـه قلـت واكثـر النـاس يعميـهـا
ولاهوب يثّر في العـرب مثـل وقـت زال
...................................وصار الشعـر سلعـه رخيصـه لشاريهـا
ولا عاد لـه قيمـه وحشمـه وقـدر عـال
...................................وكـل غـدى شاعـر ويبـدع ويهديـهـا
مشاعر تبـاع وتشتـرى كيـف ياالعقـال
...................................أمورٍ تحير فـي الشعـر صعـب نحصيهـا
لكن ياعسى الله يصلـح الحـال والأحـوال
...................................وأسالـه يعـدل الميـل والنـاس يهديهـا

وهذا جوابي

سلامٍ من البـاري عـدد ماطـرٍ همّـال
...................................وقع بأرض نجد وفيّضت بـه مناشيهـا
يساق السلام لشاعـرٍ عالـي المنـزال
...................................حكيم القوافي قابـض إزمـام عاصيهـا
عسى العافيه تنشد عن اللي علينا إيسال
...................................وعسانا على ظـنّ الرجـال وهقاويهـا
فلاهنت يا ( عامر ) على بعثك المرسال
...................................عزيزٍ علـى الكـلّ ورسايلْـك نغليهـا
وأنا والشكر لله والحمد بأحسـن حـال
...................................على ماتحبّ وراحتـي فـوق أعاليهـا
لكنّ القريحه صابهـا مشكلـه وإشكـال
...................................بيـوت القصايـد قاطعتنـي قوافيـهـا
وأنا ماأبدع أبياتي وأوقّف على الأطلال
...................................مادام المشاعـر بـارده فـي معانيهـا
قصيد التصنّـع والتكلّـف يغـث البـال
...................................بيوتٍ تجي من غيـر نفـسٍ ماأدانيهـا
لاماجات بالفطره بيوت الشعـر تختـال
...................................فكـبّ البقيّـه لاتلـدّ النـظـر فيـهـا
وأنا أشوف ناسٍ سبّبوا في الشعر زلزال
...................................من أفعالهم الأشعـار طاحـت مبانيهـا
غدى الشعر تهريج ودعايه ولعب أطفال
...................................قصايد ركيكـه يرتفـع ضغـط قاريهـا
حسافه على عصر الزلامي وبن هـذال
...................................وشلعان بن ظافر وبن عـون غازيهـا
شواعير هذا الوقت غطّوا على باسكـال
...................................بالأصبـاغ والمكيـاج تخفـي بلاويهـا
مجلاتهم صارت معارض صور وإخبـال
...................................تنافس على الموضه , والإبداع مخطيها
ومزاد القصايد عندهم صار عال العـال
...................................ولابورصـة لنـدن بتقـدر تضاهيهـا
تشوف الزبون المشتري لابسٍ بنطـال
...................................وشعره يمجّـد فـي البـداوه وطاريهـا
تناقض عجيب ومسخره مالهـا حـلاّل
...................................مظاهـر تخلّـف بيّـنـاتٍ مخازيـهـا
لولا خوفة الغيبة وهي محرقة الأعمـال
...................................عرضت الأسامـي للجماهيـر توحيهـا
وعندي على ذلـك براهيـن بالمكيـال
...................................ولاباالتهم فوضى على النـاس نرميهـا
وترى اللوم ماياقع على بايـع الأمثـال
...................................بل اللوم للـي يدفـع المـال يشريهـا
لإن الظروف الراهنه قاسيـة الأحـوال
...................................ولاكـلّ مخلـوقٍ يجـابـه مآسيـهـا
إذاكان مديون وفقيـر وعليـه إعيـال
...................................أنا كيف ألومه يـوم الأشعـار يهديهـا
ومن يطلب الشهره بشعره فهـو دجّـال
...................................ورجله على المنقـود حثّـت خطاويهـا
أنا وين أبلقا ياالنشامى رجـال أعمـال
...................................يحطّـون محميّـه للأشعـار تحميـهـا
ويُفرض بها حظر التجوّل على الجهّـال
...................................على أساس نسمو بالقصايـد ونعليهـا

وكعادة أبوعبدالرحمن يأبى إلا أن يجعل ختامها مسك حيث قال

هلا يالمسلّم عد ماأمطر حقـوق خيـال
...................................وعدد مانبت بأرض الجزيره وماشيهـا
هلا بك وبالاشعـار يالشاعـر الفعـال
...................................عسير القصيد إيسخّره رغـم أنافيهـا
وعودتك تجبرني على الشعر والامثـال
...................................تهيض شجونن في الحشا كنت كاميهـا
تبي شاعر شرواك يشكى عليه الحـال
...................................يساهـم بجهـده للشكيـه ويشفيـهـا
ومادمت في نعمه وصحه وراحـة بـال
...................................فباقـي الامـور الله تعالـى يسويـهـا
وهيض القريحه بعض الاحيان كالشلال
...................................وساعات قطره لوتبـي ماانـت لاقيهـا
هـذي عادتـن تنتابنـا كلنـا وليـال
...................................طويله ولانرغب نشوف الشعـر فيهـا
لأن الشعر تعبير صادق مهوب اجـدال
...................................وكلمات محسوبـه بهـا قـدر راعيهـا
وحنـا بشـر وأ يامنـا كــدرةٍ وزلال
...................................وكـم ليلـةٍ بتنـا نعانـي ونخفيـهـا
إذا زانت الايـام قلنـا البيـوت اثقـال
...................................واذا شانـت الايـام نتـرك قوافيـهـا
وشعرٍ يقال بدون داعي يجـي غربـال
...................................وإلى جا مجاله زانـت بيـوت بانيهـا
وشعر نفع محتاج معسر ولاش اريـال
...................................فلاباس بـه مـن ذم راعيـه مخطيهـا
وجـف القريحـه زاد ياطيبيـن الفـال
...................................الأسبـاب واجـد شعرنـا مايكفيـهـا
ومنها الشعر جله غدى ذاالزمان حثـال
...................................تكدر من اللي همهـم نشـر أساميهـا
تجيك الصور فوق الشعر كنها التمثـال
...................................والأبيات تحت ومـن قراهـا يغطيهـا
حسافه على من قالهـا غتـرة وعقـال
...................................وهـو لبستـة قبـوع دايـم ويكفيهـا
والى شاف شعره في المجلة يجيه اهبال
...................................خذاله عشـر نسخـات منهـا يوريهـا
ويزهم على افلان وعلى افلان باستعجال
...................................يبشر جميـع النـاس هـذي أمانيهـا
هذا اللي تسبب في انحدار الشعر يارجال
...................................وخلى القصايد معظـم النـاس جافيهـا
ومجلات غث الشعر صارت كما الـدلال
...................................تحط الهروج أشعار والقصـد شاريهـا
هدفها ومقصدها من الشعر جمع أمـوال
...................................على حساب ديوان العرب هي وماضيها
ياليت الوزير يصـك بيبانهـا بأقفـال
...................................يصّـدر قـراره للمـجـلات يلغيـهـا
يحط الشروط اللي تخلي القصيد اجـزال
...................................مجلـة تخالفـهـا تسـكـر مبانيـهـا
ولكن رجال اعمالنـا أحوالهـم أحـوال
...................................بعد منتدى جدة تـرا العيـب كاسيهـا
رضوا بإجتماعٍ يجلـب العـار والإذلال
...................................تصير المره مثل الرجل فـي مساعيهـا
تشوف المره بين الرجاجيـل بالبنطـال
...................................بليا حجاب اوستـر تطـرح حكاويهـا
مره سيدة أعمال بيـن المـلا تختـال
...................................بنات البلد ضاعـن بتخطيـط اعاديهـا
تجـاره خديجـة لايحطونهـا المـوال
...................................تجـاره شريفـة ماتضيـع مباديـهـا
ولا أعمّ بأقوالي وفيهم عريـب الخـال
...................................غيور على دينـه وعرضـه مغطيهـا
أمـورٍ تحيّـر رب يامنـزل الانـفـال
...................................تحفـظ المحـارم والمخاليـق تهديهـا

هذه قصيدة عن كارثة سوق الأسهم

علماً أنني ـ ولله الحمد ــ لم أتضرر من هذا السوق فعلاقتي به كانت مجرد اكتتابات لا أكثر ولا اقل

وهذه الأبيات أتت احساساً بمعاناة شريحة واسعة من المجتمع , وعلى طريقة " شر البلية مايضحك

: يقول المتنبي

إذا غامرت في شرفٍ مرومِ
...................................فلاتقنع بما دون النجـومِ
فطعم الموت في أمرٍ حقيرٍ
...................................كطعم الموتِ في أمر عظيمِ

: وأقول

إذا غامرتَ في سوقِ السهومـي
...................................فلن يبقى معك غيـر الهدومـي
فسعرُ السهمِ في سُوقِ الحسايف
...................................كسعرِ البيزِ في سُوقِ (الحريمـي)
عفا الله عن حكومتنا الرشيـدة
...................................وراها صامتة ضد الرخومي ؟!!
هواميـرٍ كلونـا فـي وطـنـا
...................................عسى تاكلهم إطيـورٍ تحومـي
خذوا الأموال من جيب المواطن
...................................ولقّوه الخلا في ظـرف يومـي
رقد تاجر وقام الصبـح خاسـر
...................................قضت حلو الأمانـي والحلومـي
بعد حلمـه بقصـرٍ واستراحـة
...................................بنى له عشةٍ فأحـد الحزومـي
وبعد ماكان حلمه " جيب لكزس"
...................................وقف يشّر على الخط العمومـي
وكم من واحـدٍ يشكـي ديونـه
...................................برك مثل الجمـل وأزرا يقومـي
ومن سلم الوفاة وسلـم جلطـة
...................................ورى القضبان بالسجن إمحكومي
رعاك الله يالشعـب المكافح
...................................تجرعـت المـرارة والسمومـي
ولاندري وش أسباب الخسـارة
...................................ومنّا في يديه امـن الخصومـي
عن الوضع وتفاصيل الحقيقـة
...................................نبي توضيح مسـؤولٍ حكومـي
وأملنـا بعـد رزاق الخـلايـق
...................................بوقفة صاحب القلب الرحومـي
بقت الآمال في " صقر العروبة "
..................................." أبومتعب " عسى أفراحه تدومي

لندن / 2006

......

سرى الليل يا لندن وقلب العنـا محتـار
...................................بعد طالت الغربـة نبـي شوفـة الديـرة
على أرض السعودية متى ينتهي المشوار
...................................وينهي غريب الـدار رحلـة مشاويـره
فيسقى على عينـي ليـا تلهـا الطيـار
...................................وشق السحاب اللـي تهـادى مزابيـره
لايمم بها القبلة لـو أن الهمـوم اكثـار
...................................تزول وتلاشى (والونس يضرب امبيـره)
نشوف الوطن حتى نحبـه جـدار جـدار
...................................ونرمـي ورانـا جايـر الهـم والحيـرة
وعزي لمنهو عاش عمره مـع الكفـار
...................................خطير(ن) من اللوعـة يقطـع أزاريـره
ولو أرضهم خضراء على أنهارها الأزهار
...................................ولـو نوهـم دايـم تهامـل شخاتـيـره
حشا تشبه ابلاد العرب موطـن الأخيار
...................................ابلاد الرسـول ومنبـع الحـق والغيـرة
نفاخر بدين المصطفى وبركـوب امهـار
...................................ورجالهـم يفخـر بكلـبـه وخنـزيـره
قضوا عمرهم بين المراقص وبين البـار
...................................ولايطربـون ألا علـى الكـاس والبيـرة
وحنا هوانا مسجد ومصحـف(ن) تذكـار
...................................نرتـل مـن آياتـه ونقـرا تفاسـيـره
ونقرا رياض الصالحيـن وبهـا نختـار
...................................حديث(ن) من السنة ونفحة من السيـرة
وجودي على الدار ومطاليقهـا الأحرار
...................................وجودي على بيتـي وشوفـة مساييـره
وجود السجين اللي إمنعوا دونه الـزوار
...................................ثلاثة عشر عام(ن) وهو فـي عنابيـره
عسى الله يعجل بالفرج من بعد الأكـدار
...................................ونقطـع تذاكرنـا ولافـيـه تأخـيـره
درى الله ماجينـا غـلا لديـرة الكفـار
...................................ولاشـك هـذا العلـم ندفـع فواتـيـره

*****

ماتروسـون الجبـل ياللـي تهـزونـه
...................................تتعـب يديكـم ويبقـى راسـخً عالـي
هـذا شفيـع البشـر مهمـا تسبـونـه
...................................ماضرّه إنباح كلبً فـي الخـلا الخالـي
أسمى من الكوكـب الدريّ..وقانونـه..
...................................وحـيً منـزّل ولابـه شـك وإجدالـي
أكرم من الغيـث لاجـادت بـه مْزونـه
...................................لاعـوّد البـرق فيهـا يشعـل إشعالـي
وأشجع من الليث لاكشّر عـن إسنونـه
...................................في ساعةً ترهـب الشجعـان الأهوالـي
أحيا بـه الله نبـات الديـن وإغصونـه
...................................مثل المطر لاسقى أرضً عشبهـا طالـي
من ظلمة الكفـر والإشـراك وإحزونـه
...................................أخرج إضعوف العرب بأنـواره أبطالـي
حتى أضاءت (قصور الشـام) وإركونـه
...................................وكنوز(كسرى وقيصر) جـات تنهالـي
أرسى قواعـد نظـام العـدل وإفنونـه
...................................سـاوى بعيـد البشـر بالعـمّ والخالـي
بالصدق والعطف والرحمة ظهـر بونـه
...................................حاز الريـادة وضربـت فيـه الأمثالـي
سيّـد ولـد آدمً بأرواحـنـا إنصـونـه
...................................يفداه حالـي ومالـي وأصغـر إعيالـي
(عيسى) فالإنجيل بشّـر بـه وتقرونـه
...................................يامحرّفين الكتب فـي عصرنـا الحالـي
حريـة إعلامكـم بالـزيـف مقـرونـه
...................................ذريعـةً خلفـهـا الأحـقـاد تجتـالـي
وين الصحافة عن (المقدس)و(شارونه)؟!
...................................وين (الهلوكوست)ما ألقيتوا لها بالـي؟!
تـدرون بالحـق ميـر الحـق تخفونـه
...................................لكـن علـى المسلـم إتجـرّون موّالـي
المسلـم اليـوم بيـن النـاس ياهونـه
...................................حتى(الدنمارك)ضـ ده جالهـا أفعالـي!!
أهـل البقـر حدّهـم شبـكً وماعونـه
...................................ماهمـب كفـوً لـنـا لا أول ولاتـالـي
لكنّـه الوقـت الأقشـر باهـتً لـونـه
...................................نشرب من المر عقب العـذب والحالـي
الله يرحـم (صـلاح الديـن) وإطعونـه
...................................من سيرتـه مابقـى ياكـون الأطلالـي
أقولـهـا والثـقـة فالله مضـمـونـه
...................................مهما حشود النصـارى جـات تختالـي
لـو حاولـوا نـور ربّـي مايطفّـونـه
...................................الله مُتمّـه ولـو كـرْهـوه الأنـذالـي
باكر ثرى (الأندلس) (الأسبان) يخلْونـه
...................................لامسّهم مـن لهيـب المعركـة صالـي
ومن فوق (روما) صدى التكبير توحونه
...................................تهتـزّ مـن هيبتـه قيعـان وإجبـالـي
وماتروسـون الجبـل ياللـي تهزونـه
...................................تتعـب يديكـم ويبقـى راسـخً عالـي

على شاطيء الراحة جذبني قصيد ( هـلال )
...................................قصيدٍ يغيث الروح من عقب طـول محـول
يصـوّر معانـاة الشعـوب وشقـا الأجيـال
...................................فداه القصيـد اللـي تزلـف وقـرع طبـول
أقول أشهد أنّ (هلال) رجلٍ ونسـل رجـال
...................................ومع نخبـة الشعـار فحـلٍ ونسـل فحـول
نشيـدة غـلا الأسعـار ياملحّـن الـمـوال
...................................بنبطـي نغنيهـا وليـل العـنـا بيـطـول
سـواءٍ جشـع تجـار وألا غسيـل أمـوال
...................................شربنا من العلقـم وسرنـا إلـى المجهـول
كثيف السحاب اللـي تزبّـر علـى الأقـذال
...................................تعدّى الديـار الممحلـة ماسقـى الغرمـول
أشوفه على ( لبنان ) يسبل عليهـا إسبـال
...................................وأشوفه على جبال ( اليمن ) ينثر الهملـول
ياصدري تضايق ماتضايق .. بدون اجـدال
...................................تصبّـر ولاتغضـب إلهـك ولا المـسـؤول
في أعناقنـا بيعـة وبيـن العيـون أغـلال
...................................وصمـت المقابـر مالقينـا سـواه احلـول
أقوله وأنا من جـود ربـي علـي سربـال
...................................ولا أشكي من المشرب ولا أشكي من المأكول
لكنّ العيون تشوف مـالا خطـر فـي بـال
...................................يخلـي الحكيـم المتـزن ينبهـت مذهـول
أناسٍ على عرش التـرف صرفهـا شـلال
...................................وناسٍ على بسـاط الفقـر ساقهـا مشلـول
ثقيـلات الأحمـال أرهقـت كاهـل الرجـال
...................................وحتى الطفل من ضيقة البال غنّى .. يقول :
(سئمنا تكاليـف الحيـاة ) وبعدنـا أطفـال
...................................هجل كيف لو عشنا ثمانين حول وحـول ؟!!
مادام ارتفـاع النفـط سبّـب لنـا غربـال
...................................عسى ( كوندليزا رايس ) تخفّض البتـرول

****

يـا أبومناحـي جعـل تفـداك الأنـذال
...................................هيضتنـي وأنشيـت قــافٍ جـديـدي
ويوم أبدع أبياتي علـى روس الأقـذال
...................................أمـا طـرب وألا غضـب ياعضـيـدي
لا أبحث عن الشهرة ولا أطرد ورى المال
...................................يكفينـي إصغـاء الرجـال لقصـيـدي
" صح الله لسانك " مـن أعمـاق عقّـال
...................................أعدّهـا مثـل الذهـب فـي رصـيـدي
ولعـل بيـتٍ يرفـع الـوزن مثـقـال
...................................لاعرضـت أعمالـي نهـار الوعـيـدي
هذا وأنا في حـال والنـاس فـي حـال
...................................كـلٍ علـى ليلـى يـجـرّ النشـيـدي
من عادني طفلٍ مـع جمـوع الأطفـال
...................................وأنـا طموحـي فـي حياتـي بعيـدي
ومدّيتنـا لأحلامـي حـبـال وحـبـال
...................................مير انقطـع بـي كـل حبـلٍ جويـدي
واليـومٍ عاينّـي علـى يابـس الجـال
...................................ياكثـر مـن حولـي وكنـي وحـيـدي
بدون قاصـر فـي المشاكيـل الأبطـال
...................................عصبـة بنـي عـمٍ غلاهـم وكـيـدي
لاشـك مـاكـل المواضـيـع تنـقـال
...................................وبعـض القضايـا شرحهـا مايفيـدي
تهشّم العبـرة بصـدري وانـا أختـال
...................................أكنّـهـا لـوهـي تقـطّـع وريــدي
الدمـع مهمـا كـانـت أسبـابـه إذلال
...................................ألا لـولـي الـعـرش رب العبـيـدي
وأنـا عذابـي وقفتـي فـوق الأطـلال
...................................قبـل الغـروب بسـاعـةٍ ماتـزيـدي
كـل الأماكـن والـزوايـا والأشـكـال
...................................يلفّهـا الحـزن العمـيـق الشـديـدي
شعرت بالرهبـة ومـرّت علـى البـال
...................................الذكريـات اللـي زمنـهـا سعـيـدي
واليـوم ياويـن السـعـادة والآمــال
...................................تحطّمـت وأضحـت سـرابٍ ببـيـدي
هذي هـي الدنيـا علـى مـرّ الأجيـال
...................................مادامـت لـحـيٍ عـلـى مايـريـدي
مـواكـب الأيــام نــازل ورحــال
...................................أحـدٍ نـزل وأحـدٍ نـوى بالشـديـدي
وأيامـي أخـذت كـل غـالـي ولا أزال
...................................وتلدّ لي وتقول : " هل من مزيـدي ؟! "
ما أقسى من الدمعة علـى خـد رجـال
...................................ياكـون صمتـه والضمايـر وقـيـدي
لاواهني مـن يرحـل بزيـن الأعمـال
...................................ياساجـدٍ فــي لـيـل وألا شهـيـدي
ولاواهني طفـلٍ مـع جمـوع الأطفـال
...................................تضحـك لـه أيامـه وعيشـه رغيـدي

المروج حي في شمال الرياض والحراج جنوبها

أبيات تعود لعام 1420

.....

غبت عن وعيي وأنا فأقصى المروج
...................................ماانتبهت ألا وأنا حـول (الحـراج)
من هواجيسٍ علـى فكـري تـدوج
...................................عسكرت في القلب وإهبجته هبـاج
نـار جوفـي ماتطفّيهـا الثـلـوج
...................................رحت أعالجهـا وزوّدهـا العـلاج
راحت أيامي صريـعٍ فـوق مـوج
...................................والظما مايقطعـه شـرب الهمـاج
قيل وش قومك مثل حـال الخلـوج
...................................حنّ قلبك حنّـةٍ فيهـا إنزعـاج ؟!
ياعذولـي خـلّ تفتيـش الـدروج
...................................لو نكبـت بنكبتـي جـاك إرتجـاج
بلّغ اللي في القفا هرجـه سمـوج
...................................لايحـذّف دام بيتـه مـن زجــاج
يوم طاح الذيب مـن كثـر الفلـوج
...................................تضحك ابـسرحان قطعـان النعـاج
الحـرار اليـوم ماعـادت تـروج
...................................مالقاهـا ألا الثعـالـه والـدجـاج
مير لوضاقـت وسيعـات الفجـوج
...................................والمدى كلـه عواصيـف وعجـاج
ماحنيـت الـراس لعيـال العلـوج
...................................لو قضيت العمر حارس فـي كـراج
نعنبوهـا حاجـةٍ عنـد اللـحـوج
...................................مانبيهـا لـو وراهـا الإنـفـراج
رازقـي رب السمـا ذات البـروج
...................................رزق غيـره مالنـا فيـه إحتيـاج

يقول الأخ الشاعر حصن بن شايع آل دحيم الشكره

قال منهو يبـدع القـاف لا منـه بغـى
...................................يصخر القيفان لامـال ميـزان القصيـد
ماحلا عند الضحى صوت حاشي(ن) رغى
...................................في رياضٍ معشبـه تـوّ ماطرهـا جديـد
ريحة الزاهر ليا ذعـذع الشرقـي طغـى
...................................ريحها يفوق عطر(ن) نزل شكلـه فريـد
مسمعي ياطيـب الفـال لعلومـك صغـى
...................................وصلوا فراج قافي عسـى عمـره مديـد
مجلس(ن) عامر ولافيـه مخلـوق لغـى
...................................جلسة طابت مع الربع كنْهـا يـوم عيـد
حنّ قلبي حنّ شاص (ن) تعلق واصطغى
...................................منوة اللي يالسنافـي نـوى خـلٍ بعيـد
مال نفسي يابـن عمـي بغيـره مبتغـى
...................................وأحمد الله شاشة النوكيا ساعـي بريـد

*****

وهذا جوابي

لو يتوب الحاكم اللي علـى شعبـه بغـى
...................................ياحصن ماتبت من عسرة أبيات النشيـد
أشهد أنك تفتل القـاف يافـرز الوغـى
...................................ميـر والله مايفـلّ الحديـد ألا الحـديـد
ياأبوعادل مرحبا مانِطق (ضادٍ ) و (غا)..
...................................بين سكـان الجزيـرة وسكـان الصعيـد
خوّتك تشـرى وحجـزي معـك ماينلغـا
...................................وخوة أهل الطيب ندفع بها كـل الرصيـد
والردي ساس الردا مجلسـه مـا ينبغـا
...................................لو هو بماله ينافـس ملاييـن ( الوليـد)
تافهٍ فـي النـاس تلقـاه مثـل (الببغـا)
...................................مهنتـه تلفيـق الأخبـار جعلـه مايفيـد
ذا كلام اللي بهـزل القصايـد مـا نغـا
...................................منوتك هي منوتـه والله الواحـد شهيـد
منوتي ماهيب شوفة بلد ( باشا) و ( أغا)
...................................منوتي شوف الحيا ينتشر في كـل بيـد
والبعير اللي رغا والخـروف اللـي ثغـا
...................................كلبوها ترجـي الغيـث مـن رب العبيـد
يالله بيـومٍ سحابـه تزبّـر وإنصغـى..
...................................فوق شعبان ( الحمر) كنه الليـل المديـد
كاد رعّاده يفجّر صفـا طويق..وبغـى..
...................................بارقه يشعم سنا الضوّ فأغصان وجريـد
وانتثر حمله على أرجـا البـلاد مفرّغـا
...................................مدة اللي في السمـاوات يفعـل مايريـد
لين زانت الأرض فيها الخضـار مصبّغـا
...................................كنها فرش القصر عند (هارون الرشيـد)
ثم هات ( الشاص) وإلك السـلام مبلّغـا
...................................وإن بغيت فعندنا اليوم (جكسـارٍ) جديـد

******

يابحر من للغريب اللي طوته همومه ؟!
...................................فرّ من ضوضاء المدينة فآخر العصريّة
يابحر جالك سجين آهاتـه المكتومـة
...................................كلما وقّـف أمامـك حـسّ بالحريّـة
يابحر بالك مثل بعض العبـاد تلومـه
...................................خلّه يْفضفض عليك السيـره الذاتيّـة
الغريب اللي تغرّب عن ضناه وقومـه
...................................عزتي له كلمـا هبّـت لـه الشرقيّـة
واحدٍ من ضيقته ضاقت عليه هدومـه
...................................الدقيقة من ثقل وقتـه سنـة هجريّـة
الزمان يسوق من فوقه سواد غيومـه
...................................خايفٍ يغتـال كـلّ أحلامـه الورديّـة
والعباير حشرجت بالصوت في حلقومه
...................................لو نطق كلمة : تفيض العبره المخفيّة
لكن بدمع الحزن شحّت عليه عزومـه
...................................وارتفع راسه وصدّ وفي ضميره كيّـة
واتجه للقبلة وصلّى تحـت ديمومـة..
...................................ركعتينٍ خاشعـة وأجـواء روحانيّـة
ثم عـوّد للمدينـة ماشعـر بهمومـه
...................................مامعه غير الشعر وأحلامـه الورديّـة

*****

الحقّ نصـدع بـه ونشهـر حسامـه
...................................حاضـر بحاضـر لا ديانـه ولاقـرض
وقلوبنا أطهـر مـن هميـل الغمامـه
...................................يوم القلوب الحاقـدة ساسهـا مـرْض
انشوم عـن هـرج السفيـه وكلامـه
...................................مثل الصقور تشوم عن جيفـة الأرض
لـو ايحكـي منّـا لـيـوم القيـامـه
...................................نضرب عليه ( الإكس) بالطول والعرض
خطو الردي يصعـب عليـك احترامـه
...................................وألا الكفو يفرض عليك الغـلا فـرض
أحدن مـع رجـال الوفـا لـه مقامـه
...................................ويقدّرون اسمه على شاشـة العـرض
وأحدن مع السيسان يتبـع ( مدامـه)
...................................لاينطـح الهيجـا ولايستـر العـرض

>>>>

عزّ الوسن في عتمة الليل الأسـودّ
...................................وأشعلت من ريش المحابر حرايـق
وقامت هواجيـس الضمايـر توافـدّ
...................................توافُـد الحجـاج راكـب وسـايـق
أبني من القيفـان ( قصـرٍ مشيّـد)
...................................فالنايفـات الشامخـات الشهـايـق
مادام أشادوا به هل الشعر والمجـدّ
...................................حتّيش وإن ماأعجب ضعوف الخلايق
أسهج كلام اللاش وأجـزاه بالصـدّ
...................................القافلـة سـارت برغـم العوايـق
ولانيـب لوجيـه العبـاد آتــودّد
...................................أكتـب قناعاتـي وأقـدّم وثـايـق
وأكيـد مانيـب السديـري محمـدّ
...................................ولانيب لاضيـدان ولا ابـن شايـق
لكنـي أمشـي فـي مسـارٍ محـددّ
...................................ولاأهتمّ بالتصنيف حسـب البطايـق
ياضايع المنطـق وياضايـع الجـدّ
...................................لاتحسبـنّـا جاهلـيـن الحقـايـق
لكن نصون نفوسنا من هـل الحقـد
...................................طحالبٍ فـي مـاءٍ آسـن علايـق
الحرّ فـي روس الطويـلات يصعـدّ
...................................والبـوم ساقـه للخرابـات سايـق
تبايـن أفكـار وطبايـع بـلا حـدّ
...................................أدّى إلـى فـرق الهِمَـم والطرايـق
أحدن سهر في الليل لجـل يتهجّـدّ
...................................وأحدن مسهّره الغزل فـي الحدايـق
وإذا الظفر بالحكي والأخـذ والـرد
...................................ياطيـب روس الفاتنـات الرقايـق

قصيدة كتبتها مع بداية أحداث التفجير في المملكة
و خلطت فيها الجد بالمزح لتلطيف الجو في هذا الموضوع الحساس :

حبّ الوطن لأهل الجيـوب المليّـة
...................................أهل اللكاسـز والفلـل والملاييـن
أما الـذي مثلـي افلوسـه رديّـة
...................................مستويةٍ عنده ولوعاش في الصين
أقوله أمـزح قبـل تنـوون نيّـة
...................................يافرقة ( عليشة ) صعوط المجانيين
أنـا سعـودي وأفتخـر بالهويـة
...................................ولافيه مثل(المملكة)فـي البلاديـن
مهبط وحي وبـلاد خيـر البريّـة
...................................(الأمين ابوالقاسم)شفيع المصلّيـن
وموطن هـل التوحيـد والحنبليّـة
...................................يكفيك(ابن باز الحبـر والعثيميـن)
الله عطى(آل سعود)حـبّ الرعيّـة
...................................وإنّا نبايعهم على العسـر والليـن
مانستمع(سـعـد الفقيّه)وخـويّـه
...................................الحاقد الأهـوج عديـم المضاميـن
لوعندهـم للديـن خيـر وحميّـة
...................................ماإستوطنوا(لندن ) بحضن المعادين
نخشى الوعيـد بميتـة الجاهليّـة
ل...................................لونخلع البيعة ونجفـى السلاطيـن
وإن شفتنا بعض الأمـور الدنيّـة
...................................لاقايلـن زيـنٍ ولاقايلـن شـيـن
قد شفت ( أبومتعب) على (العربية)
...................................يقول ويصرّح بروس العناويـن :
بأضرب بكفٍّ مـن حديـدٍ عتيّـة
...................................على الـذي مايلتـزم بالقوانييـن
لذلـك بنسكـت علـى مكرهـيـة
ا...................................لعافيـة زينـة ولنّـاب عجلـيـن
وقصة هل الإرهاب قصـة خفيّـة
...................................فيها جوانـب غامضـة للفهيميـن
بسّ الأكيـد إنهـا جريمـة قويّـة
...................................ترويـع للآمـن وقتـل البريّيـن
أحيان أظنّ اللي حـدث مسرحيّـة
...................................بشاعتـه فاقـت خيـال الكثيريـن
شباب في عمـر الزهـور النديّـة
...................................راحوا ضحيّة للغلـو والشياطيـن
بالرغم من ذلـك تراهـا خطيّـة:
...................................نقطع لهم بالنار هجـسٍ وتخميـن
فتوى هـل العلـم بخطاهـم جليّـة
...................................قالوا خوارج والخـوارج مسلميـن
تجريمهم واجـب عليـك وعليّـه
...................................وتكفيرهم يحتـاج رأي الخبيريـن
رأي المشايـخ فاهميـن القضيّـة
...................................هم قادة الأمّـة بشتّـى المياديـن
الله يحفظ الـدار مـن كـل سيّـة
...................................من بوش وإجنود اليهود الملاعين
والله يـردّ القـدس والقادسـيّـة
...................................وترجع لنا البصرة وترجع فلسطين

****

ياابوجزاء تقـدر تشاهـد جـوازي
...................................تأشيرة أمريكـا عليـه امختومـه
بعثة دراسية من أحـدث طـرازي
...................................أخذتهـا والله يـعـز الحكـومـة
وبكامل الرغبـة وكـل اعتـزازي
...................................عرّضتها صفق الريـاح الصرومـة
ماطاعني ساقي على أرض المخازي
...................................محاربة الإسلام وأكبـر اخصومـه
رزقٍ وراهـا ماعليـه اعتـيـازي
...................................لو متّنا من الجوع مارحت أسومـه
مانيـب لاتـاجـر ولابـرجـوازي
...................................لاشك نفسـي كـل عـزٍ ترومـه
ضاريٍ على قنص السمان الجوازي
...................................ماهمني حـر الزمـان وسمومـه
من يطلب العليـا وروس النـوازي
...................................لاترتخي عنـد الشدايـد اعزومـه
الله خلـق حـرٍ وبـومٍ وبــازي
...................................والفرق شاسع بيـن حـرٍ وبومـه

*****

ياشيخ أو ياللي يسمونـك الشيـخ
...................................عن شيختـك ياشيخهـم مادرينـا
مدري من الهندوس وألا من السيخ
...................................بس الوكـاد أنـك غريـبٍ علينـا
لنتب من اللي يصنعون الصواريخ
...................................ولنتب ياابن الأجـواد منـا وفينـا
ياجاهلٍ قـدر العـرب والتواريـخ
...................................لاتجهل فنجهـل علـى الجاهلينـا
بأفعالنا نسقي العـدا سـم زرنيـخ
...................................ونقلط الصاحـب لسمـن وسمينـا
من هان نفسه ذاق حسرة وتوبيخ
...................................ومن شاف نفسه هانـه العاقلينـا
خلك وسط واترك طريق المفاضيخ
...................................شفهـم يسـار الخـط متقلبيـنـا
مانحترم غيـر الرجـال المطانيـخ
...................................كسابـة النومـاس دنيـاً وديـنـا
ومانحتقر غير الخفافيش والذيـخ
...................................قناصة الفيران في ( بـرّ سينـاء)
ناسٍ من ثياب المـروة مفاصيـخ
...................................الله يعافـيـهـم ولايبتـلـيـنـا

فيما مضـى كنّـا علـى الأرض حكـام
...................................ترضـخ لنـا كـل الـدول والشعوبـي
من حد (صنعاء) لين بوابـة ( الشـام)
...................................ومن ( طنجة) ( لماليزيا) في الجنوبـي
على (جبل طارق) لنا عـروش وأعـلام
...................................وعلى( بـلاد السنـد ) حاكـم ولوبـي
كان (الرشيد) يخاطب السحب : " قدام...
...................................صبّـي وياتينـي خـراج الصبـوبـي
كنا دعـاة الرحمـة ووصـل الأرحـام
...................................وبعـد الله الملجـا لشاكـي الكروبـي
كنـا صناديـد الشجـاعـة والإقــدام
...................................تشهـد لنـا ساحـات غبـر الحروبـي
كنـا وكنـا وانتهـت ذيــك الأيــام
...................................صارت لنـا مثـل السـراب الكذوبـي
صمّ الجبال الراسخـة راحـت احطـام
...................................يهزّهـا حـتـى نسـيـم الهبـوبـي
اليـوم فـي ظـل احتـلالات الأقــزام
...................................عشنـا المذلـة واختـلاف القلـوبـي
نصبح علـى دمـع الثكالـى والأيتـام
...................................ونمسي على العرض الشريف امغصوبي
والمشكلـة مـاعـاد لجروحـنـا آلام
...................................ماتـت مشاعرنـا بكثـر الخطـوبـي
بعـد تهـاونّـا بتعالـيـم الإســلام
...................................شمـس المعـزة حـوّلـت للغـروبـي

******

ياذا البخيل اللي مع الناس منسـي
...................................بالك تلوم الناس لاصـرت مقمـوع
على حسب الأفعال قبل أمس وأمسي
...................................تلقى جزاك اليوم والشـك مرفـوع
الطيّب يجلّس علـى أعـز كرسـي
...................................وألا الردي ياقف ورى الباب ملطوع
وفعايلـك ماغيـر حكـيٍ وهلسـي
...................................وأغلب أحاديثك ضعيفٍ وموضـوع
تمضي ثلاث سنين وأربع وخمسـي
...................................ماقلّط بمجلسك ضيـفٍ ولا اربـوع
وإن احصلت : جيت بدجاجه وببسي
...................................وإن كثّرت : كيلو سمك قد له أسبوع
أما الذبيحـة كنهـا قلـع ضرسـي
...................................أصعب على شرواك من حب كرسوع
الله يبارك فـي الدجـاج الفرنسـي
...................................لولاه قد ماتوا عيالك مـن الجـوع

*****

بغداد لاترجين مـن قومنـا تْفـز
...................................صرخة جروحك ماوصلنا صداهـا
فيك الشرف ينهان والروس تجتز
...................................وأمٍ ترمّـل ثـم يُذبـح ضنـاهـا
لادمعـةٍ طاحـت ولاقلـبٍ اهتـز
...................................ماتت مشاعرنـا ومتنـا وراهـا
تبكين من جور العدو يوم يبتـزّ..
...................................أرضك , وقواته تغطّـي سماهـا
وتبكين عـودٍ بالعصـاة ايتعكّـز
...................................بعد اقصفوا داره وسـاوت ثراهـا
جثث عياله تحت الأنقاض تبـرز
...................................ومما رأت عينـه تمنـى عماهـا
وتبكين عذراً في الزنازين تِحجـز
...................................ثيابهـا تِنـزع ويوجـع ابكاهـا
تصيح وتنادي وتنخى .. ونعجز ..
...................................نصغـي لهـا وألا نلبـي نداهـا
قولي لها لاتذكـر المجـد والعـز
...................................هـذي أساطيـرٍ وكـلٍ نسـاهـا
إنا قضيتنا : غلا ( كيسـة الـرز)
...................................الله ياخذ من سعـى فـي غلاهـا

****

ألا يا زمنا ماعبدنا ( هبـل والـلات)
...................................حشانشـرك بربـي ولافـاز مشركتـه
ولانعبد اوجيه البشر في رجا المـدات
...................................على الرغم من راسً لياليـه عاركتـه
نعز النفوس ونرفض مصافح الهانات
...................................ولو الدهر قدامنـا ينصـب اشركتـه
وللي دعانا واجـب نلبّـي الدعـوات
...................................ومن لادعانا خطـوة الرجـل تاركتـه
رفيقً بوجهي يظهر البشر والضحكات
...................................وهو من وراي يشن هجمات معركتـه
أجمّد علاقاتي معه وأقطـع الموجـات
...................................وفي باقي المشوار ماأقبـل مشاركتـه
ماأحب التظاهر بالصداقة وهدر أوقات
...................................مع اللي نهار الضيق مابانت ابركتـه
ياكثر اصدقانا اللي على خيرنا تقتـات
...................................مادام البحر هادي ولاشانـت احركتـه
ولولا ظروف الوقت ومواجهة الأزمات
...................................ماكان اتضح زيف المنافـق وفبركتـه
عطوني رفيقً في القسا صامل الوقفات
...................................وأبعطيكم العشرات من عكس (ماركته)

.******

ليلة البـارح سـرى همـي عليـه
...................................عزتي للراس من كثـر الطـواري
الرياض أمسـت شوارعهـا مليّـة
...................................وأكره الزحمات وأصوات البـواري
ونشرة الأخبار في صبح وعشيـة:
...................................قصف عشوائي وتفجير إنتحـاري
انصدع راسـي وصابتنـي الأذيـة
...................................من متابعة الحدث ليلـي ونهـاري
وأعرف إعلاج الهمـوم الداخليـة
...................................دون ما أذهب للطبيب الإستشـاري
العـلاج بذكـر خــلاق البـريـة
...................................مع صلاة الليل في ليـل الغـداري
والقرايـه للـحـروف الأبجـديـة
...................................في كتاب الله ومسلـم والبخـاري
ثم سجّات النفـس فـأرضً خليـة
...................................في خباري نجـد ياحـيّ الخبـاري
فيضـةً بيـن الجبـال العارضيـة
...................................توّهـا ممطـورةً والسيـل جـاري
بكّر الوسمي عليهـا فـي مجيّـه
...................................لين رويت من هماليـل العصـاري
ماوطاهـا قبلنـا خـفّ المطـيـة
...................................ولاوطاها الكاشت بجيب السفـاري
ريحة إزهور الخزامـى النرجسيـة
...................................والنفـل والشيـح لاهبـت ذواري
أحدث أنـواع العطـور الباريسيـة
...................................وارد (القزاز) في (مركز صحـاري)
وعشبهـامثل الزوالي الفارسـيـة
...................................عند (أبومتعب) ومجلسه الـوزاري
ذي دواء روحي عسى روحي رضيّة
...................................لاتوفّاهـا الولـي بآخـر مسـاري
يوم أشرّف فـي نوايفهـا العليّـة
...................................كنّي أملك خزنة البنـك التجـاري

يانجم ياللي حولك نجـوم وأقمـار
...................................مابان نورك فـي سديـم المجـرة
ارفق على نفسـك وخـل التكبـار
...................................يالابـسً ثـوب الغـرور وتجـره
أصلك تراب وترجع تـراب وغبـار
...................................وفي ساعة المحشر تحـوّل لـذرة
لاتحسب إنك فاتح القـدس بالنـار
...................................القـدس محتل..و..سرائيـل حـرة
الأمة إتعاني من جسيمات الأضرار
...................................وبعض العرب فعله يزيد المضـرة
اسلم وسلم لي على سوبر استـار
...................................وستـار أكاديمـي لـزومً تـمـرّه
أبطالهم غطوا على أبطال الأحجـار
...................................يكرّمـون وعايشـيـن بمـسـرّة
ومحمد الـدرة غـدا شبـه تذكـار
...................................أصبـح مـع الـدرة ثمانيـن درة
هذا زمان الذيـخ والبـوم والفـار
...................................والحـر خلْـه ايـمـوت ..لله دره
والقدس ..يصبر..لين..تاتيه الأدوار
...................................خمسيـن عـامً ثانية...ماتضـرّه

الضمايـر همهـا قـام يـزدادي
...................................يالله إنــا طالبيـنـك تزينـهـا
كلما غطّيت فـي جـوي الهـادي
...................................شغّلـت صكـات بقعـا مكاينهـا
ياكحيل العيـن لاتقـرب افـوادي
...................................صـد عنـي طالبـك لاتطينـهـا
والله أني من هوى البيض شدادي
...................................والمحبـة خـارجً مـن مداينهـا
ياهل الترقيم في السوق والنـادي
...................................كل من مـرّت غديتـوا رهاينهـا
والهنوف الفاتنـة رقمهـا بـادي
...................................تكتبـه بـأوراق وألا بفاينـهـا
والنهاية في متاهـات وأنكـادي
...................................تذرف ادموع الندم عقب خاينهـا
لو تشاهدكم محطـات الأرصـادي
...................................خفتوا اللقطات لا أحـدً يعاينهـا
وماخشيتوا من غضب ربنا الهادي
...................................ليوم يبصركـم ويبصـر كواينهـا
أدري إنكم من صناديـد الأولادي
...................................لكن الشيطـان ينصـب كماينهـا
مير يمديكم على التوبـة ومـادي
...................................ربكـم غفـار والنـاس عاينهـا
أمة الإسـلام تحتـاج الإمـدادي
...................................تنتظر الأبطـال تنهـي غباينهـا
وأنتم الثروة لدعـوة ولإجهـادي
...................................والعقيـدة يرتفـع راس صاينهـا

****

العمر يمضي والأيام يطويهـا الرحيـل
...................................والليالـي لامضـت ماتعـوّد راجعـه
والبنادم لو هقى العمر قدامـه طويـل
...................................كلها سبعيـن عـام وتحـلّ الفاجعـه
ومن يجاوز ذلك الحد لو أنـه قليـل:
...................................الظهر محـدودب وصحتـه متراجعـه
لكن المحظوظ من سارع لطيب الحصيل
...................................وراجع إحسابه قبل لا (العظيم) يراجعه
أنفق وصلى ولاطاوع ابليـس الذليـل
...................................وإنتحب في الليل يوم الخلايق هاجعـه
قلتها وأنا ذنوبي من الـوزن الثقيـل
...................................بس أطورق بالشعر والحمايم ساجعـه
يالله إني طالب ارضاك وبوجهك دخيل
...................................ترحم اللي من زمانه شكـى مواجعـه
ماطلبت ألا أنت يامالك الملـك الجليـل
...................................والبنـادم مايراجـع سـوى مراجعـه

يالله يافارجً لأيوب فـي الضيـق
...................................يامنقـذً نـوح وأقوامـه غريقـه
يامدبر الكون في حكمـة وتدقيـق
...................................يامحصي الثانيـة قبـل الدقيقـه
يارب أنا ذنوبي أمست كنها طويق
...................................أكنّها ... وأنت تعلـم بالحقيقـه
عنّي على النفس لجل آتوب وآفيق
...................................من غفلةً خلّت إعظامـي رقيقـه
في الدين مانستمع ملحد وزنديـق
...................................لكن هوى النفس رحنا مع طريقه
ياربّ من لي ليا من وقّف الريـق
...................................في سكرة الموت والنزع وشهيقـه
مالي سواك أنت ياربّ المخاليـق
...................................ترحم ضعيفً نشف حلقه وريقـه
لك تسجد جباهنا خشية وتدنيـق
...................................من خوف يومً تضيع إبه الخليقـه
يشيب فيه الرضيع وصدره ايضيق
...................................والناس تسكر من أهوالًٍ وضيقـه
كلً تخلّى عـن أقـرابً ملاصيـق
...................................حتى صديق العمر ينسى صديقـه
ويمدّ فيه الصراط أبـو المزاليـق
...................................خاب وخسر صاحب الدرب الزليقه
أحدن سعيدً لبـارد جنتـه سيـق
...................................وأحدن شقيً وفي النار السحيقـه
ياربّ عطفك ولطفـك والتوافيـق
...................................عذنا من النار وأسبـاب الحريقـه
ماتقدر عظامنا لفحـة وتحريـق
...................................ونفوسنا لشوفـة الجنـة شفيقـه

****

قالوا مشيّـب ماوصلـت الثلاثيـن
...................................الشيب في راسـك تزايـد بـروزه
وأقول شيبي من قبل عام عشريـن
...................................أخفيه مير اليـوم بانـت إحـزوزه
صارعتنا الدنيـا وذقـت الأمريـن
...................................والوقت جرعني المـرارة بكـوزه
فوق المتون جبال همً من اسنيـن
...................................ولايمكن اتشوف المتون إمهـزوزه
وإن كان تستغرب صمودي لذلحين
...................................هـذا فضـل ربـي وكـلً يـروزه
لاجيت بأستسلم وشفت الشموتيـن
...................................كلً يحـد السيـف وإيمـد بـوزه
وقّفت وقفات الشيـوخ السلاطيـن
...................................لوضامري فيه الرمـاح إمغـروزه
لوراس مالي في العمر كيسة طحين
...................................تقول (بل جيتس) عطاني إكنـوزه
لاعاش رجّالٍ رضى بقول مسكيـن
...................................وألا رضى بنظرات عطفً تهـوزه
أمشي على رأيي وحسب القوانيـن
...................................يوم الردي يمشي برغبة عجـوزه
ماهمنـي ياكـون رب الثقلـيـن
...................................إرضاه عنـدي غايتـي والمعـوزه
ويهمني لأرضيت ربـعً عزيزيـن
...................................لهم مكانة في الضميـر إمحجـوزه
وأهل الوفا والطيب عندي حشيمين
...................................لوكانوا (بمصر وشمال العجـوزة)
وإن كان ماتبنى العلاقة على الدين
...................................يطيح مبناهـا وتسقـط إرمـوزه

****

دنّوا لنا ال( GXR ) وأملوه بنزيـم
...................................جيبٍ على الطرقـة قـويّ العزيمـة
لونه كما اللولو حديـث التصاميـم
...................................عقدٍ على جيـد الهنـوف الوسيمـة
محطّمٍ صنـع (الولايـات) تحطيـم
...................................جانا من (اليابان) من (هيروشيمـه)
راعيه مايطـرب لعـزف وتقاسيـم
...................................هـواه : نبرات(الشريـم) الرخيمـة
مسراحنا عقـب الفجـر بالتقاويـم
...................................للبر ياجعلـه مـن الوسـم ديمـة
شوف الخلا طب القلـوب المكاليـم
...................................لاهاضت جروح الخفـوق الأليمـة
كبّ السياسـة وإنتكـاس المفاهيـم
...................................الشعـب واعـي والقيـادة حكيمـة
ياماحلا المجلاس في روضة خريـم
...................................مع الرجال أهـل الوفـا والحشيمـة
"هذا ولـد عـمً " يعـز الشغاميـم
..................................."وهذا رفيـقٍ " يفتخـر بـه نديمـه
الخد خضـرا والسمـا كلهـا غيـم
...................................والغربـي البـارد يذعـذع نسيمـه
وياماحلا في الروض شوف المجاهيم
...................................يطرب لها القلب الشقي من صميمه
كنْها الجبال السود تمشـي مقاديـم
...................................وألا كما ليـل الدجـا فـي عتيمـه
والضوّ مشعومـه بسمـرً تكاويـم
...................................يجذب سناها العالـم اللـي إمقيمـة
من فوقها الرسلان صفـرً مواليـم
...................................فنجالها يشفـي الكبـود الضريمـة
ومن حولها مزح وقصيد وتباسيـم
...................................مافيـه لاغيبـة ولابــه نميـمـة
هذا ربيـع البـال لاناشـه الضيـم
...................................من جاير أحداث الزمـان الوخيمـة
وأخير منها لأظلـم الليـل تظليـم
...................................ركعاتٍ لمحيـي العظـام الرميمـة
قد قالها ابن حميد وأبصم تباصيـم
...................................على كلامه فـي العصـور القديمـه
المرجلة ماهيـب سكـب المرازيـم
...................................وسحب البشوت بكل حفل وعزيمـة
المرجلة ديـن وشجاعـة وتعليـم
...................................والجانـب الليّـن ويمنـىً كريمـة
من حازهن حاز إحتـرام المغانيـم
...................................وألا الردي ماله مع النـاس قيمـة
وإختامها بأزكـى صـلاةٍ وتسليـم
...................................على رسولٍ راضـعٍ مـن (حليمـة)

بحث هذه المدونة الإلكترونية

مدونة

ديوان الشاعر المبدع فراج فهد الشكره , ( جارف الشكره )

تعليقات

إرسال تعليق

المشاركات الشائعة من هذه المدونة

صور تصاميم منازل , منزل روعه , مخطط منزل بالمقاسات - w,v jwhldl lkh.g < ,lo'' 2012

جميع اغاني الطقاقة موضي جديد 2015 ، 2016